Outdark (飛達商業中心)

營業中

休息中

咁耐無得去韓國朝聖，唯有食吓韓國炸雞一解相思之苦。outdark嘅炸雞食過好幾次，每次水準都好高。今次同唔食辣嘅朋友去，炸雞叫咗香蒜蜜糖味。醬汁份量剛剛好淋係炸雞上面，唔會多到浸淋啲炸雞，蜜糖味清甜同爽脆的炸雞好夾，減輕罪惡感😂蒜香味唔會好突出，放心，食完唔會成口蒜味。炸雞伴住炸薯角、薯條，非常大份，好抵食！炸醬麵炸醬的醬汁份量都幾多，入口每一啖都有豐富的炸醬汁。汁料甜甜地，配上蒜香味，唔錯。麵質略略淋咗少少，建議一上碟即刻享用會好啲。豬肉炒粉絲正宗的韓式炒粉絲，粉絲條條彈牙，配上紅蘿蔔絲、青紅椒絲及木耳，都幾健康。豬肉片份量唔少，偏甜的醬汁十分惹味蜜糖生姜茶養生之選！配有幾塊青檸，中和蜜糖的澀味，生薑不會太嗆口，好飲Mojito Ale每次都會飲，沖得好飲唔會太酸。