Le Viet

.Foodie Gladys is here今次係越南風味🤭未去到越南都可以感受下越南風先！精選拼盤拼盤有4款，爽脆彈牙既炸蝦餅，焦香軟嫩既豬頸肉，鬆化酥脆既越南春卷，煙韌豐富既粉包。一個拼盤試到幾個款式既小食，岩晒唔想食太多又想試唔同小食既人😙越南咖喱牛腩鍋呢個咖喱上枱果陣會有一個火爐附上，放個咖喱鍋上去，點完火就會熱住成個鍋，一邊熱住咁食夠晒暖。咖喱牛腩炆得好腍身，完全唔會鞋口痴牙，仲有煙煙韌韌既牛筋，亦有炆得好綿好淋既薯仔，熱辣辣配埋法包咁食好正呀🤩特別火車頭火車頭有唔同既牛配料，有牛肉片，牛腩、牛柏葉同牛丸，牛氣沖天呀！牛肉片軟嫩，牛腩有啲嚼勁，牛柏葉就夠晒爽彈，牛丸都好彈牙，湯底亦好濃牛肉味，食果陣再加啲九層塔，芽菜，檸檬汁，味道多一份清新🤓飲品三色冰入面充滿咗唔同嘅啫喱配料，亦都有啲馬蹄粒喺入邊，成杯椰香味都好重，凍凍地好好飲；越南滴滴咖啡就真係用滴漏嘅方法去煮出嚟，本身杯底已經有煉奶，當啲咖啡滴晒出嚟之後再撈勻啲煉奶，成杯都好濃香，咖啡同煉奶嘅比例配合得好好，唔會太甜，濃濃咖啡嘅香味😋