影片
更多
2021-01-25
127 瀏覽
餐廳連裝修都係別過一次，我特別鍾意天花板上，飄雪嘅投射影像，真係好似置身於韓國咁。一坐低職員已經好有禮貌咁介紹唔同嘅Menu，我哋就點咗一個二人套餐。好快就上咗唔同嘅韓國小食頭盤，足足有八款咁多，有辣有唔辣，任君選擇！雖然都係醃製品，但係每一款都各具特色，我自己就特別鍾意炒魚干同埋醃蘿蔔，食落非常開胃。石頭泡菜魚籽飯呢個飯材料真係豐富，秘製牛肋骨、韓國泡菜、韓國魚籽、蘿蔔絲、芽菜等等，職員仲會加入特別嘅醬汁，幫客人混合好成個鍋飯，真係啱晒我呢啲懶人。食落去非常香口，仲有煙煙銀銀嘅感覺。韓燒嘅部份都係讚不絕口，平時食韓國嘢成日燒燶嘢。雪下覓炙嘅職員會幫忙燒好每一道食材，把握最準確嘅時間，食到最好味嘅狀態。雪花韓式牛肋骨非常新鮮，而且雪花嘅部份色澤鮮明，未燒嘅時候已經感覺到好味。咬落去完全鎖住肉汁，又唔會有太肥膩嘅感覺。和牛三筋肉呢一款比較彈牙，都係香氣十足，我自己仲加咗少少柚子汁調味，係另一種食和牛嘅享受！牛舌我第一次食到咁晶凝通透嘅牛舌，冇錯呀係牛舌！而且係入口即溶，基本上完全可以用舌尖感受成個狀態，真係冇誇張！咀嚼嘅部份變得好少，呢一款係我最鍾意嘅，真
好快就上咗唔同嘅韓國小食頭盤，足足有八款咁多，有辣有唔辣，任君選擇！雖然都係醃製品，但係每一款都各具特色，我自己就特別鍾意炒魚干同埋醃蘿蔔，食落非常開胃。
石頭泡菜魚籽飯
呢個飯材料真係豐富，秘製牛肋骨、韓國泡菜、韓國魚籽、蘿蔔絲、芽菜等等，職員仲會加入特別嘅醬汁，幫客人混合好成個鍋飯，真係啱晒我呢啲懶人。食落去非常香口，仲有煙煙銀銀嘅感覺。
韓燒嘅部份都係讚不絕口，平時食韓國嘢成日燒燶嘢。雪下覓炙嘅職員會幫忙燒好每一道食材，把握最準確嘅時間，食到最好味嘅狀態。
雪花韓式牛肋骨
非常新鮮，而且雪花嘅部份色澤鮮明，未燒嘅時候已經感覺到好味。咬落去完全鎖住肉汁，又唔會有太肥膩嘅感覺。
和牛三筋肉
呢一款比較彈牙，都係香氣十足，我自己仲加咗少少柚子汁調味，係另一種食和牛嘅享受！
牛舌
我第一次食到咁晶凝通透嘅牛舌，冇錯呀係牛舌！而且係入口即溶，基本上完全可以用舌尖感受成個狀態，真係冇誇張！咀嚼嘅部份變得好少，呢一款係我最鍾意嘅，真係第一次食熟食都有甜品嘅感覺，融入心。
傳統醬油五花肉
薄切五花肉真係好考師傅刀工，呢一款燒嘅時刻唔可以太長，而且上碟後大約30秒就要食，先可以食出最美味嘅狀態。五花肉同埋脂肪嘅部份都幾均勻，都係唔會太肥膩，雖然佢係薄切，但係每一片嘅尺寸好大，非常豐富。
雞爽肉
餐廳將雞爽肉切成一條一條嘅形狀，燒嘅時候可以更加快熟，而且肉質會保持住鮮嫩。食落口嫩滑，最重要係唔會太乾身。
韓國辣八爪魚
佢係原隻醃好咗嘅八爪魚，職員會係你面前幫手燒同埋剪開，我真係第一次見原隻八爪魚上枱咋！呢個味道比較濃郁，比較適合重口味嘅朋友。但係食唔到辣嘅朋友都可以試吓，辣味嘅部份算係多層次，而且八爪魚真係好有彈性，咬落口都「索索」聲。
最後仲有個魚籽湯，啱晒係冬天暖下胃。
張貼
