成都老碼頭火鍋 (已結業)

今日同兩個朋友嚟到旺角附近嘅成都老碼頭打邊爐。 行過去嘅路上喺遠處已經見到非常搶眼嘅店舖裝修， 十足十去咗大陸古代咁樣。 由旺角地鐵站行過去大概十分鐘嘅路程。 因為又想打邊爐又需要清下腸胃🤭 所以決定唔嗌佢哋嘅招牌麻辣火鍋， 點咗佢哋嘅花膠雞湯火鍋！ 親切嘅店員好快就捧上好大一盤嘅花膠雞湯見到就覺得夠老火好濃郁, 我同朋友忍唔住飲完一碗又一碗， 最尾飲淨半煲雞湯先至叫店員加湯打邊爐😅😅😅打邊爐我哋就嗌咗澳洲雪花肥牛， 餃子同一啲配菜。 牛肉雪花好靚味道都唔錯， 餃子唔識欣賞， 配菜都還算新鮮。 下次會再嚟飲雞湯 🤣🤣