影片
更多
2023-05-08
67 瀏覽
弁慶大阪燒價錢💲: $17/ $98/ $98/ $88/ $148/ $48/ $58好味程度😋: 4.3/5服務🍴: 4/5環境🗾: 3.5/5性價比🥢: 3.7/5回頭率😚: 4/5-✅關東煮炸豆腐。炸豆腐比一般日本豆腐厚實，好似一舊毛孔好密的海綿咁，索滿關東煮的湯汁🥳 關東煮湯底味道清甜，好有蘿蔔的甜味，無平時的咁鹹🍢-✅✅燒牛舌。厚切的牛舌口感非常好，出面焦脆焦脆，入面仲保留到粉紅色，好嫩☺️ 仲要好juicy，沾小小汁味道牛味會更出😉-✅芝士免治雞肉燒。呢個其實係將平時一條條的免治雞肉棒變成一個餅係鐵板上煎，好似大阪燒咁。味道唔太特別，大量燒汁鋪上，同大量蔥，重口味😝 免治雞肉軟腍得來有啲粒粒軟骨的口感，好好咬。-✅✅鰻魚玉子卷。玉子出面有小小過熟，已經形成了一層蛋皮😳 但入面保留到蛋汁同滑嫩的口感😬鰻魚切成粒，軟嫩肥美。加上小小鰻魚汁，帶出成個味！-✅✅蠔大阪燒。主打大阪燒的餐廳做呢個果然名不虛傳！平時唔鍾意大阪燒因為好似啖啖粉漿咁…但呢個大阪燒煎熟後比較實在，完全冇粉的感覺。入面超多椰菜，好爽脆，好似食緊啖啖菜多啲，就算好多醬汁都唔會膩👍🏻食前灑上D海苔粉同鰹魚粉，和風味
價錢💲: $17/ $98/ $98/ $88/ $148/ $48/ $58
好味程度😋: 4.3/5
服務🍴: 4/5
環境🗾: 3.5/5
性價比🥢: 3.7/5
回頭率😚: 4/5
-
✅關東煮炸豆腐。炸豆腐比一般日本豆腐厚實，好似一舊毛孔好密的海綿咁，索滿關東煮的湯汁🥳 關東煮湯底味道清甜，好有蘿蔔的甜味，無平時的咁鹹🍢
-
✅✅燒牛舌。厚切的牛舌口感非常好，出面焦脆焦脆，入面仲保留到粉紅色，好嫩☺️ 仲要好juicy，沾小小汁味道牛味會更出😉
-
✅芝士免治雞肉燒。呢個其實係將平時一條條的免治雞肉棒變成一個餅係鐵板上煎，好似大阪燒咁。味道唔太特別，大量燒汁鋪上，同大量蔥，重口味😝 免治雞肉軟腍得來有啲粒粒軟骨的口感，好好咬。
-
✅✅鰻魚玉子卷。玉子出面有小小過熟，已經形成了一層蛋皮😳 但入面保留到蛋汁同滑嫩的口感😬鰻魚切成粒，軟嫩肥美。加上小小鰻魚汁，帶出成個味！
-
✅✅蠔大阪燒。主打大阪燒的餐廳做呢個果然名不虛傳！平時唔鍾意大阪燒因為好似啖啖粉漿咁…但呢個大阪燒煎熟後比較實在，完全冇粉的感覺。入面超多椰菜，好爽脆，好似食緊啖啖菜多啲，就算好多醬汁都唔會膩👍🏻食前灑上D海苔粉同鰹魚粉，和風味道出曬🤓 上面鋪滿6隻蠔，每隻都好飽滿同埋算大隻，好抵‼️肚肚位好肥美🥰
-
✅Oolong Hai/ Lemon Sour. 烏龍個杯淡淡的，冇咩酒味！好似溝淡左的烏龍茶🤣 另一杯酒精濃度高D，但有檸檬汁的加持，飲落都好清新，唔會好難入口！
-
第一次食呢D主打大阪燒的餐廳，可以望住廚師煮，好開心！同埋整體氣氛好好，好似去左日本咁。食物質素都好，生日來的話，大阪燒都可以插蠟燭🤪 唯一唔好處係油煙味超級大！食完會一陣味🤐
張貼
