南瀛水產

日本必食嘅就係浜燒，竟然比我喺香港搵到！南瀛水產真係值得一讚！第一次喺香港食浜燒原來啲海鮮都可以咁新鮮，仲有專人幫你燒埋🔥⭐️活貝盛合💦呢個活貝盛合有齊鮑魚、生蠔🦪、蜆同帶子，上枱嘅時候啲鮑魚都仲郁緊好生猛！店員會過黎開爐幫我哋燒。調味方面以簡單為主嚟帶出海鮮嘅原汁原味，帆立貝加咗清酒🍶去煮，味道多咗份酒香。燒完嘅蜆肉就脹卜卜，重海水味。鮑魚就落咗胡椒食落更香口惹味。至於生蠔就大隻肥美，燒至少少乾身內裡juicy，好鮮甜好好食😋！⭐️蟹味噌甲羅燒🦀甲羅燒真係重點推介，加左鵪鶉蛋嚟帶出蟹膏嘅鹹香，非常滋味⭐️南瀛卷蟹肉卷上放咗海膽、拖羅蓉、甜蝦同三文魚籽⭐️鰻魚玉子燒啲蛋燒到剛剛好，入口即溶，好滑好正