成都老碼頭火鍋 (已結業)

呢間成都過江龍麻辣火鍋店🍲一向都好受愛辣人士歡迎今次嚟要左佢哋既無渣麻辣火鍋湯底(小辣) 併特濃田園蕃茄湯既鴛鴦鍋～ 無渣麻辣火鍋🌶️重點個底無殘渣，唔會愈打愈苦澀，而且牛油湯底，更加香同埋更加入味加埋佢哋既油碟,蘸上之後可以包裹食材，達到降溫、解辣作用，所以食落唔會好刺激～舌尖上的牛舌呢個好特別係薄切的👅，爽口有嚼勁又唔韌，牛味濃郁。老碼頭筷子牛肉牛肉切到一條條再用醃料預先醃製，食落少少辣，口感嫩滑，但覺得都係原味牛肉吸引啲～驚喜位係佢哋個牛黃喉係厚切版，但竟然一啲都唔韌，好爽脆！忍唔住要追加多一份～同埋竟然有水蓮！飽滿翠綠，清香甜脆，好好食～老友鬼鬼係用油炸鬼配蝦滑，一次過有兩種唔同既口感，食到索汁既油炸鬼加埋鮮味彈牙既蝦滑～有趣～鴨血都好夠滑但係嗰日無晒毛肚同埋鵝腸，喊出嚟