寶字號刀削麵

營業中

休息中

我哋去完川龍行山⛰️搭小巴去荃灣 落車嗰時非常肚餓，見到呢一間新開嘅刀削麵店喺度排緊傳單，即刻俾佢吸引咗！🦐🦞🐠蝦爆鱔背刀削麵🍜非常值得試吓！刀削麵口感好彈牙煙靭，個汁有少少香辣，啲蝦肉大大粒好爽，鱔背唔算好大條，但係整體都好好食！🍢烤魷魚烤得好惹味，魷魚質地好爽彈，加咗少少調味料更加香口！🧆翡翠糖蒜味道有啲似簥頭，酸酸甜甜咁好開胃！超值三寶🌯肉夾饃塊麵包🥯充滿麵粉香味，中間夾住啲豬肉餡料非常Juicy！🍖醬香骨雖然唔算好多肉不過都OK ！🍐桂花雪梨味道好驚喜，秋冬食就最啱啦，有啲飯後甜點水果真係好正😊再加埋兩杯嘢飲🍹凍奶茶🍹凍檸茶，冰涼嘅口感真係非常解渴👍🏻