影片
更多
2023-03-12
434 瀏覽
💁♀️💁♂️ 9/3/2023(Thu), Dinner🍽為食妙妙好鍾意食韓國🇰🇷既醬油蟹🦀，之前都有朋友介紹過話尖東帝國中心韓珍既醬油蟹🦀好出色，不過一直未有機會去食。呢一日我地終於搵食搵到去尖東，試試呢間一直想試既醬油蟹🦀。去到帝國中心，發覺原來餐廳最近改咗名，由韓珍改為韓脈 @hanmat_empire。喺門口見到入面差不多座無虛席，相信都係信心嘅保證，好彩我地有預約，好快就安排到我地入座😋😋😋。而今晚我地order咗：🔆 醬油蟹🦀（$250一隻）醬油蟹🦀係我地今晚既頭號目標，所以一坐低就二話不說點咗醬油蟹🦀先。醬油蟹🦀既醬油汁調得剛好，帶一點點甜味，又唔會太鹹蓋過咗蟹🦀本身既鮮味。隻蟹🦀都幾大隻，絕對足夠二人分享，而且仲係爆晒蟹膏㖭🤯🤯🤯😍！醬油蟹本身跟一個牛油飯，熱焫焫既飯面鋪滿紫菜同一隻生蛋🥚。我地最喜愛既食法就係將熱焫焫既飯𢳂入蟹蓋入面，再撈勻蟹肉、蟹膏同少少醬油，咁樣入口就有齊蟹肉既鹹香嫩滑、蟹膏既鮮甜同埋醬油既鮮味，配合熱飯，滿足🤭🤭🤭！🔆 八方美人餐（$588二至三人份量）套餐內有牛舌、雪花牛肉、豬頸肉、護心肉、豬肩肉 、醬油雞肉、烤大蝦(2隻)同埋鮮鮑魚（隻），仲
💁♀️💁♂️ 9/3/2023(Thu), Dinner🍽
為食妙妙好鍾意食韓國🇰🇷既醬油蟹🦀，之前都有朋友介紹過話尖東帝國中心韓珍既醬油蟹🦀好出色，不過一直未有機會去食。呢一日我地終於搵食搵到去尖東，試試呢間一直想試既醬油蟹🦀。
去到帝國中心，發覺原來餐廳最近改咗名，由韓珍改為韓脈 @hanmat_empire。喺門口見到入面差不多座無虛席，相信都係信心嘅保證，好彩我地有預約，好快就安排到我地入座😋😋😋。
而今晚我地order咗：
🔆 醬油蟹🦀（$250一隻）
醬油蟹🦀係我地今晚既頭號目標，所以一坐低就二話不說點咗醬油蟹🦀先。
醬油蟹🦀既醬油汁調得剛好，帶一點點甜味，又唔會太鹹蓋過咗蟹🦀本身既鮮味。隻蟹🦀都幾大隻，絕對足夠二人分享，而且仲係爆晒蟹膏㖭🤯🤯🤯😍！
醬油蟹本身跟一個牛油飯，熱焫焫既飯面鋪滿紫菜同一隻生蛋🥚。我地最喜愛既食法就係將熱焫焫既飯𢳂入蟹蓋入面，再撈勻蟹肉、蟹膏同少少醬油，咁樣入口就有齊蟹肉既鹹香嫩滑、蟹膏既鮮甜同埋醬油既鮮味，配合熱飯，滿足🤭🤭🤭！
🔆 八方美人餐（$588二至三人份量）
套餐內有牛舌、雪花牛肉、豬頸肉、護心肉、豬肩肉 、醬油雞肉、烤大蝦(2隻)同埋鮮鮑魚（隻），仲有一碟鐵板煎蛋，岩晒A先生呢啲有選擇困難症既人，每款都有可以樣樣都食到，又唔使諗叫咩肉😆。
等我地食完醬油蟹🦀之後，侍應就開爐幫我地燒烤，我地只需要乖乖地坐喺度就可以“肉來張口”🤣。侍應幫手燒既好處係佢地掌握生熟程度會比我地自己燒好，肉類唔會燒得過火，而海鮮就都係剛熟，仲幫我地去埋殼添👍🏻。
牛舌爽口好食、雪花牛就油脂甘香、豬頸肉爽口好食、護心肉就肉味最濃、醬油雞肉🐔連埋雞皮燒，醃過既雞肉帶點甜而雞皮燒得香脆、大蝦🦐新鮮彈牙、鮑魚有用醬油醃過，入口彈牙鮮味。
店方有提供生菜🥬、蒜片🧄、辣椒🌶️同埋醬料俾客人包住烤肉去食，生菜令到肉類食落無咁膩，可以食多幾件。
🔆 韓國🇰🇷米酒（$80）
奶白色既韓國🇰🇷米酒用一個銅壺裝住上，配合返烤肉都好匹配🤤🤤🤤。
🔆 Kiwi Ade（🥝$48）
奇異果🥝汁飲品，味道唔會好人工，夠清新可以解膩，仲有真奇異果🥝肉兩片。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤❤(5/5)
❤🙆♀️(為食妙妙)整體食評：❤❤❤❤❤(5/5)
👉🏻 一如其他韓國餐廳，點餐後店家會送上幾碟前菜小食，韓脈呢度有款醬油鵪鶉蛋幾特別，另外銀魚仔都好好食。
👉🏻餐廳裝潢好韓feel，全程都有韓國k-pop既歌播住，超正！坐位都好寬敞，同埋抽風系統好勁，食完唔會成陣油煙味。
👉🏻食物/環境/服務都好好👍👍👍必定會回頭再食😋😋😋😋
A先生車友指數 🚗
🛣️ 交通容易指數：🚗🚗🚗🚗🚗(5/5)
🅿️ 泊車容易指數：🚗🚗🚗🚗🚗(5/5)
👉🏻 尖東揸車🚗或者坐公共交通都好方便，泊車的話尖東有大量停車場🅿️；搭港鐵由尖沙咀/尖東/紅磡站過嚟都好方便
🔆🔆🔆🔆🔆🔆🔆🔆🔆🔆🔆🔆🔆
張貼
