鐵牛台灣牛肉麵

營業中

休息中

鐵牛喺香港都有好幾間分店，最近佢喺啟德零售館開咗間分店，趁着啟德園未正式開幕前，去零售館睇吓，入去食返碗麵。鐵牛當然係出名食牛肉麵，佢入面嘅牛肉麵都有好幾款，今次試咗佢嗰個總鋪師私房牛肉麵，呢碗麵除咗有金錢展、牛肋條、牛筋、仲有牛肚絲，可以話係一次過試晒咁多種牛嘅味道。鐵牛嘅牛肉麵湯底唔算好濃，飲多幾啖都唔覺膩，好怕有啲舖頭嘅牛肉湯濃到好似汁。佢嘅牛腩亦都炆得好入味，肥瘦均勻有更有咬口，啟德嘅分店保持到外面其他店嘅水準。因為好掛住台式滷味嗰種甜甜嘅味道，所以叫咗個綜合滷味拼盤。鐵牛嘅滷水汁保持到台灣嘅古早味道，帶甜味唔似香港嘅滷水汁咁鹹。鐵牛都有好豐富嘅台式飲品選擇，想一邊食台灣料理一邊飲番杯仙草都可以。我仲見到佢哋個Menu有小火鍋，見到店入面都有好多客人叫，有機會下次又要試一試。