鐵牛台灣牛肉麵

呢日喺啟德食lunch，見到呢間台灣菜門面好明亮，就入咗去食返餐 。餐廳午市時段有提供便當、麵食同小火鍋🔥總鋪師私房牛肉麵見到都幾多食客嗌呢個人氣之選，有幾款湯底可以選擇，我揀咗牛肉湯，入面嘅配料有金錢腱、牛肋條、牛筋、牛肚絲同紅蘿蔔🥕 勁鍾意佢個牛肋條，炆得入味又勁軟腍🐮 台灣本味麻辣鴨血鍋鴨血係其中一樣，我好鍾意食嘅台灣食物，所以呢個小火鍋，我揀咗鴨血鍋🙈 配安格斯牛肉片同埋新竹米粉🍜 除咗鴨血之外，小火鍋都有好多配料，包括芋頭貢丸、米血糕、蜂巢豆腐、蟹柳、魚皮餃、魚腐、響鈴、娃娃菜、番茄、金針菇、粉絲、生菜、冬菇同埋白蘿蔔，勁豐富🥰小食♦️鹽酥雞拼夜市小香腸食台式小食必食呢兩款，有少少似去咗夜市掃街😙 呢度嘅鹽酥雞做得幾出色，炸粉夠晒薄，而且入面嘅雞仲keep住有肉汁。♦️綜合滷味拼盤呢度有齊佢最signature嘅滷味，有滷豬大腸、滷豬耳同埋滷蛋，款款都滷得好入味😎飲品♦️鴨屎香狂打檸檬茶雖然呢個冇得揀選甜度，但係飲落口甜度適中，仲幾Fresh添㗎🍋♦️大甲椰椰芋香呢個飲品嘅包裝好特別，呈粉紫色，主要係椰香味較重啲。呢個lunch都真係幾豐盛，食咗好多台灣風味嘅菜式，平日午市時段都近乎坐滿㗎😌…查看更多

今日放工同女友去左啟德零售館打保齡球，然後去左附近鐵牛食晚飯。上一次食鐵牛已經係四年前，以前只賣牛肉麵、原來依家鐵牛連涮涮鍋都有，仲有經典台式小食，應有盡有🤩裝潢方面，啟德分店幾大間，燈光非常充足，粉紅色主調令餐廳變得打卡able🥰- 鐵牛手沖涮涮牛肉麵牛肉級數明顯高一個層次，油脂分布好靚，肉質非常稔身。湯頭好重牛肉味，仲有一陣好香嘅藥材味，麵條煙煙韌韌，非常吸湯😋- 鐵牛臭臭鍋話就話一人火鍋，食材非常豐富，包括安格斯牛肉、臭豆腐、鴨血、大腸、芋頭貢丸、蜂巢豆腐、響鈴、蔬菜等等。湯底好濃郁，滲透陣陣「臭味」，食材吸曬臭臭鍋精華，微辣相當惹味。白飯上面舖滿大量紫菜，非常滿足🥰- 木魚炸豆腐炸豆腐超級好食，豆腐外表炸得金黃香脆，入面仍然濕潤，口感同臭豆腐差唔多，加埋木魚同甜酸醬直頭💯- 鹽酥雞拼夜市小香腸前者外脆內嫩，調味啱啱好。後者非常juicy，味道香甜，夾埋生蒜片仲有少少辛辣味。餐廳仲有提供台式飲品，選擇頗多，我地叫鴨屎香狂打檸檬茶同珍珠奶茶，味道同比出面飲品店有過之而無不及👍🏻雖然鐵牛以牛肉麵出名，但以上其他菜式都好好味，證明鐵牛已經從一間牛肉麵專門店轉型到全面台式餐廳👍🏻…查看更多

踏入呢間台灣餐廳，空氣入面滲滿滷香同炸香。先試「台仔泡葉豆腐鍋配安格斯牛肉片」，湯底帶輕微藥香同豆味，滾得香氣四散。豆腐嫩滑吸滿湯精，牛肉片油香柔韌，薄切得啱啱好，一啖滑入口，暖意直上心頭。 「柚子蜜香雞排便當配滷肉飯」係另一種台式舒服。雞排炸得金黃，咬下去先係脆皮，再滲出淡淡柚子香氣同果甜；滷肉飯粒粒分明，肥瘦平衡，滷汁鹹甜得宜，拌飯一流。 「酥炸花枝丸」彈牙煙韌，咬落即爆汁，帶海鮮鮮甜，配少少胡椒粉更突出層次。最後用「（冰）有時候紅豆珍珠奶茶」收結——奶香圓滑，紅豆綿軟，珍珠煙韌帶甜，飲一口整個人都溫柔晒。 由鍋氣到炸香，由滷味到果香，呢餐展現出台味最迷人嘅地方——濃郁之中帶人情，樸實又耐咀嚼。…查看更多

一開始經過呢間店完全係比佢哋嘅裝修吸引到，成間店光線好好，而且位置闊落又舒服，店員嘅服務態度都好好👍🏻野食都上得快😚💸有加一服務費▪️台仔泡菜豆腐鍋$128佢哋嘅鍋材料好豐富同埋好足料（都係常見打邊爐材料），牛肉泡菜湯底好濃味，豆腐係嫩滑口感👍🏻+安格斯牛肉片（鐵牛推介）$28牛肉唔會太薄身，同埋肉質唔會嚡+花枝丸2粒$12有原粒花枝嘅花枝丸😋+金針菇$12+雞蛋$8▪️柚子蜜香雞排便當配滷肉飯$79因為柚子蜜所以雞排會偏甜一啲，雞排咬落都會有啲汁，唔會好乾，佢哋嘅滷肉飯都係平時會食到個種鹹中帶甜嘅味道😚▪️鹽酥雞拼夜市小香腸$48鹽酥雞炸得夠脆，不過就唔係普遍食到鹹鹹地嘅味道，會淡一啲🙈而夜市小香腸就煎到外脆內軟，因為煎嘅關係會乾一啲，食落去好似淋身嘅台灣腸📌推薦夜市小香腸▪️香酥花枝丸$40📌推薦‼️‼️經過油炸嘅花枝丸外酥內軟，因為有原粒嘅花枝，食落好彈牙😋尤其係佢哋嘅辣椒粉，點完再食提升咗一個層次，辣得好過癮😆▪️（熱）宜蘭金桔檸檬蜜$38酸酸甜甜嘅味道，金桔嘅味道好出，因為叫熱飲，所以佢嘅珍珠食落去都好腍▪️（冰）有時候紅豆珍珠奶茶$38呢個奶茶真系一流，完全估唔到紅豆同珍珠奶茶可以咁襯，紅豆容易化，有啲類近紅豆沙之餘仲有咬口😚…查看更多

鐵牛喺啟德開咗咁耐都未去過！難得去聽演唱會，開始之前就約埋朋友先喺附近食下野傾下計！😆見到喺啟德零售館呢間台灣食店裝潢好光猛！仲有午市同下午茶餐優惠！食物種類非常多，好滿足！😊我地叫咗唔少野食，味道都唔錯，我最鐘意鐵牛台灣牛肉麵同鹽酥雞，仲好味過喺台灣食🤣🤣貢丸兄弟沙茶湯米粉鐵牛台灣牛肉麵雙重芝士牛奶鍋配安格斯牛肉片鹽酥雞- 新鮮熱騰騰炸起，份量都好足夠我地兩個人分，好正呀😆😆😆牛三寶小拼盤- 好大碟！🤭🤭平靚正，抵食！大甲椰椰芋香- 好香芋頭味🤭🤭南投縣百香果QQ總括而言，呢間餐廳唔錯，可以再黎！有下次！鐵牛台灣牛肉麵 (九龍城)九龍城啟德承啟道38-39號啟德體育園啟德零售館2 1樓M2-103號舖…查看更多