臨家麵館

營業中

休息中

今日行過荃灣，見到呢間臨家麵館，店舖細細，但係入邊勁多人！一睇就知係臥虎藏龍嘅餐廳！所以我都唔執輸即刻入去試吓，餐牌有好多唔同嘅麵食，主打台灣麵，而呢度嘅招牌菜係沙茶牛肉麵，咁我梗係要叫返碗嚟試吓啦！$48一碗，價錢好實惠，但係份量驚人！勁足料！除咗有好多環牛肉之外，仲有海量芫荽，配料仲有白蘑菇同黑蘑菇，重點就梗係湯底啦！沙茶味超級重！仲有台灣入口正宗嘅麵線，超級掛湯，淡淡都係沙茶味，超正！加$10仲有一杯大大嘅檸樂，解渴之選，下次一定食！