臨家麵館

呢間專做台灣麵嘅小店，真心唔錯！主打嘅蠔仔同魚片真係好新鮮，蠔仔脹卜卜，一啲都唔腥；魚片又滑又嫩，好好味。個湯底係精華，每日新鮮煲，飲落好清甜，好足料。試咗佢個酸湯版，微酸微辣，更加開胃！佢哋用嘅扁麵好特別，咬落去又彈牙又掛湯，同啲海鮮好夾。平均$50起都算平食材新鮮難搵到。唯一要彈嘅係碟牛腩，鹹咗少少，遮咗本身嘅肉味，如果改善下就完美啦！整體嚟講，係一間會令人想返轉頭再食嘅小店，誠意推薦！係另類嘅台灣味道！…查看更多

每次嚟臨家麵館，都係為咗佢哋碗「紅酸湯扁麵」！湯底真係一絕，酸得嚟好溫和，唔會嗆喉，味道濃郁得嚟層次分明，一飲就知係用心熬製。配料仲要超足料，每一啖都夾住豐富食材，我試過幾款麵底，扁面彈牙、米線爽口，口感滿分！我本身唔食豬肉，同店員講咗之後，廚房居然特地幫我整咗碗無豬肉嘅版本，淨係紅酸湯底已經夠晒滋味！呢份貼心真係要大力讚👍！無論荃灣街市街或美孚分店，員工都好友善，有求必應，令人食得特別開心。如果你同我一樣鍾意酸湯，呢碗紅酸湯扁粉絕對係你杯茶！湯濃、酸度恰到好處，加埋彈牙扁粉，真係食到舔舔脷～我已經同無數朋友推介過，100個保證你好食！快啲去試吓啦，保證一試難忘！小吃：虎皮鳳爪亦屬必試推介…查看更多

之前食過荃灣大壩街嗰間唔錯，原來荃灣街市街近熊貓酒店都有一間。紅酸湯崩沙腩台南扁粉（$68）凍檸檬茶（$0）上次無試紅酸湯呢款湯底，今轉唔使諗就嗌嚟試。湯底同預期中一樣偏向重酸味，個人口味唔太合適。崩沙腩有四舊，標明「新鮮本地牛腩」，有肉有筋膜，有牛肉味，可惜肉質唔軟嫩稍稍偏嚡。台南扁粉即係幼身河粉，口感滑身唔糊口。配菜有三款菇、豬肉碎、旺菜絲、芫茜蔥，反而好欣賞啲配菜，味道不錯又份量多。蕃茄濃湯虎皮鳳爪扁麵（$51）凍阿華田（$0）蕃茄濃湯酸酸甜甜，加埋蕃茄件及蕃茄蓉，呢款湯底啱口味啲。虎皮鳳爪有三隻，夠腍。扁麵麵條有咬口，麵質較紮實。配菜同樣有三款菇、豬肉碎、旺菜絲、芫茜蔥。下午茶時段，送凍熱飲品。「臨家」三款湯底試哂，每款都不錯，但如要排先後，個人認為蕃茄濃湯 > 沙茶湯 > 紅酸湯。…查看更多

去朋友屋企燒烤之前，先食個晏再去買海鮮。天氣太熱唔知食咩好突然間諗起間麵舖想試。叫咗個沙茶湯底配台灣麵。個湯底相當驚艷，好似去咗台灣食沙茶湯底邊爐咁。又幾有客另外有啲菇菌食吓。豬軟骨超大嚿，又腍滑夠入味。啲腩肉都好好食唔會太肥。另外啲麻辣豬腸，處理得好乾淨冇怪味。食到半路有啲熱，個店員自己食緊晏都好醒目，見我抹緊汗，即刻起身開冷氣，呢度值得一讚。同埋佢個麵嘅份量都幾大，食到一半都有啲飽。另外試咗個朋友個豬潤酸湯麵，豬潤熟到啱啱好，另外個酸菜湯都好清胃，夏天都幾啱食。食完呢次之後隔咗一個星期念念不忘個沙茶湯底，又過嚟試吓佢個崩沙腩，又係大大嚿問得好腍，最鍾意食嗰塊薄邊位有啲咬口。呢間店相當有水準，完全可以取代我以前成日落荃食另一間魚湯米線。…查看更多

食物還可以，價錢可接受，但職員態度及衞生意識極差👎🏼👎🏼當客人行過時，一女職員(年約45，無眼鏡)面露凶光，語氣很差地叫客人: 行開！她大可以禮貌地講聲”借借”而無需用”行開”此詞，而且說話無尾音，極度無禮！另外那班女職，經常沒戴口罩地大聲聊天，除十分滋擾外，並把口水噴落食物上，十分不衛生👎🏼👎🏼👎🏼👎🏼👎🏼我也明白現時難請人，但上面那個極無禮的女職員，既然那麼不喜歡工作，那就倒不如辭職，勿再上班找客人出氣，令付錢光顧的客人難受，也令香港飲食業多一個害群之馬。希望此店老闆能顧及香港飲食業形象，勿再縱容員工找客人發脾氣！…查看更多

紅酸湯魚片台南麵路過荃灣呢間小店，見食物相片非常吸引，就決定入去一試，叫咗個紅酸湯魚片台南麵，幾特別係蕃茄做的酸湯，湯底非常濃郁，卻感覺清爽不膩，且帶有小辣，有大量娃娃菜同姑菌做配菜，感覺較健康，冇四川味嘅酸辣咁刺激同油膩，亦較易入口，食完唔會覺得太味精，因為冇勁口渴，仲有一個台灣沙茶麵湯底我都好想試，下次有機會會再嚟試，店員服務ok 麵55 + 凍檸茶8，合共63，價錢算合理，平時食碗啲酸辣米線都差不多呢啲價…查看更多

行過附近,有啲肚餓，開OpenRice睇吓附近有咩嘢食啦，見到這間《阿里山酸湯粉》，決定試一試叫咗佢哋第一頁推介-「紅酸湯崩沙腩台南扁粉」，飲嘢我就問姐姐， 有什麼選擇（因為我見到餐牌有個叫特飲加$10） 有沒有珍珠奶茶？😅姐姐話這間是港式店，沒有台式飲品。Ok, 隨便叫咗杯凍檸茶🤔有啲疑惑，我唔係讀地理，但我都有聽過阿里山係台灣，上網睇維基百科「阿里山是臺灣地名，其意可能是指：常被稱為「阿里山」的有以下：阿里山鄉，位於嘉義縣⋯⋯⋯⋯⋯⋯」我諗姐姐以後唔好講話係港式店啦，簡單啲沒有珍珠奶茶就算啦嘢食嚟到，崩沙腩好腍，湯有啲似蕃茄湯底，還有少少微辣，幾好食下午茶送飲品👍如果下次行過我都會再食…查看更多

沙茶豬軟骨鳳爪台灣麵路過臨記麵家好多次終於入場試下有好多款湯底同麵類選擇揀咗招牌沙茶湯超級濃厚好香嘅花生味平時都唔會飲湯但呢到嘅沙茶湯係會令人飲完一啖又一啖另外台灣麵好有口感好似刀削麵咁有咬口十分推介沙茶湯同台灣麵…查看更多

話說呢排放工要去荃灣上堂，已經留意左幾次呢間餐廳，好特別，內地酸辣粉聽得多，臺南酸辣粉就真係未見過，而且每次經過入面必定係坐滿。終於今日有機會黎食，雖然ot遲左放，又要趕上堂，但好彩地有位，而且店員無逼我1個人要同陌生人對左，可以自己1張檯。選擇分3大類，酸辣粉、沙茶粉同撈麵。我好喜歡食酸嘢，當然試左酸辣粉先，而且呢度有個比較少見既臺南扁粉。所以就簡左紅酸湯本地新鮮崩沙腩臺南扁粉粉用煮粉兜上。 分量都幾多，配料豐富，咩都有D，例如肉碎、牛肝菌、白雪菇同番茄。酸味方面，真係夠酸，酸味係好溫和易入口，唔會酸到喉嚨唔舒服。扁麵樣子好似細條D既河粉，但河粉厚身少少，同多左咬口，同唔會好似河粉食耐左會發脹。牛腩好多舊，舊舊都好大塊，啖啖肉，正。買單68蚊唔使加一，推薦中意食酸既朋友黎試一試。…查看更多

🍜屋企附近最近開咗間好食又抵食嘅小店💯粉麵款色好多✅仲要係熱辣辣大大碗添👍🐂蕃茄崩沙腩扁粉：好大碗扁粉呀😍入面仲有好多蕃茄、肉碎同埋好多蔬菜🥬崩沙腩比一般牛腩更加軟嫰👍牛味重好重添🥳呢個好好食🤤🍅蕃茄濃湯白菜餃扁麵：白菜餃皮薄喊靚✅加埋個蕃茄濃湯底真係無得輸💯扁麵彈牙唔錯呀👍🐔台南鹽酥雞：鹽酥雞夠大件又酥脆🔥咬落去唔會成口油淋淋💯呢個係必食item呀🥳🥒手拍青瓜：加多個蔬菜就夠曬健康❤️呢碟手拍青瓜好大碟💯味道酸酸地好惹味呀！…查看更多

本人分別在1月9日及26日，前來君記麵家吃晚飯。前者叮吃了沙茶虎皮鳳爪；後者則和家人吃了阿里山蕃茄紅酸湯崩沙牛腩扁麵及阿里山蕃茄紅酸湯海鮮扁麵。服務：部分服務員熱情客氣沙茶湯底口感像譚仔三哥的糊辣湯底，鹹味中度至略鹹，濃厚。虎皮鳳爪的皮比起平時吃的粵式鳳爪韌但爽，給人們新口味；紅酸湯的蕃茄汁味濃郁，所有很開胃；加了肉碎使味道更加豐富。海鮮新鮮，魷魚只有魷魚鬚而沒有身體，另有兩隻蝦碌，甜美。裝修堂皇，加上台灣音樂，令人感十分道地。  以下食物在1月26日食用：阿里山蕃茄紅酸湯崩沙牛腩扁麵(下)及阿里山蕃茄紅酸湯海鮮扁麵(上) …查看更多

🩷今日特登過嚟試阿里山酸湯粉嘅滋味，入面充滿野生蕃茄嚟發酵，原來要90日嘅等待？當然要試吓啦，呢間店流轉都好快，所以好快有位坐！❤️紅酸湯崩沙腩台南扁粉 $65一上枱已經見到湯底呈現鮮紅色，本身都屬於小辣，但係我唔舒服叫咗微辣，湯底非常豐富：除咗有碎蕃茄、椰菜、菇類同埋香濃肉碎，只係品嚐湯底已經好滋味！而扁粉好似河粉咁，但更加幼身，崩沙牛腩肉味香濃，質感就比較煙靭，另外牛腩皮好香滑，味道不錯！❤️🐟紅酸湯魚片台南米線 $52湯底一樣惹味，但係魚片啖啖肉，滑嫩鮮味，都幾不錯！🌶️麻辣大腸 $32呢個幾好食喎，大腸洗得乾淨，煮到勁腍，醬汁入面加咗大蒜同埋辣椒 🌶️，推薦！💚手拍青瓜 🥒$22手拍青瓜切到好細粒方便食，入口充滿酸味，加咗鮮蒜蓉 ，感覺好開胃，再加咗花生調味，份量都算多！…查看更多

荃灣廣場旁邊大壩街有間新開主打台南特色麵的「臨家麵館」，座無虛席，門庭若市。店內環境光猛明亮，乾淨衛生。崩沙腩沙茶麵（配台灣麵）：先呷一啖湯頭，沙茶湯底濃郁而且帶有花生香氣，用上豬骨湯底長時間熬製。再配上用上牛部最矜貴部位崩沙腩，崩沙腩即是爽腩，面積小及有塊薄軟膠質，爽軟不硬，貴過坑腩。崩沙腩正的地方，是那塊筋膜。爽口的筋膜，配着炆得腍身的腩肉，好吃，一咬即脫的一絲絲肉。紅酸湯海鮮蝦與魷魚粉扁麵：用上野生蕃茄自然酵素，醇香綿酸，釀造九十天的紅酸湯，帶有蕃茄酸湯帶點微辣，有鮮豬肉肉碎芫荽、野菌菇、旺財絲蔥花，增加香氣。爽彈海蝦、好新鮮，仲有魷魚鬚，不錯，加上特色台南扁面，阿婆都咬得到、好焾身。鹽酥雞：保有水嫩感，醃料的調味料沒有過量，加上九層塔，熱辣辣，脆卜卜，好味。虎皮鳳爪：脫骨先炸後鹵，有爽感的嗦爪體驗，肉厚筋多，肉肉飽滿軟糯Q彈，嘴巴輕嗦輕鬆脫骨，毫不吝嗇的海量蒜蓉，仲有五香孜然粉，零舍香，一食愛上。總結：大碗抵食台灣正宗麵首創阿里山紅酸湯底…查看更多

一直知道呢度有間新開嘅台灣麵，但係一直都冇時間去食，每一次經過都好多客人，今日終於有機會嚟食啦，佢今日係星期日，所以就算好早到都要等咗15分鐘，所以大家想試嘅話就應該平日早啲黎比較好。呢度最出名嘅就係紅酸湯，所以我首先就叫個紅酸湯崩沙腩台灣麵，叫完之後發現隔籬枱都係叫呢個，呢個應該真係最好食。一上枱已經見到好多崩沙腩，而且份量都好大，試咗啲牛腩原來真係比較新鮮，而且肥瘦適中，真係唔怪得咁多人食啦。而且佢嘅紅酸湯原來就係蕃茄湯，而且唔會太辣，食落好開胃，好推薦大家試吓呢個湯底。另外我朋友仲叫咗個豬腩肉撈麵，雖然我唔係特別鍾意食撈麵，但係試咗一啖，真係好開胃。而且佢腩肉唔係太肥，肥瘦適中，唔怪得呢間餐廳咁多人啦。另外我覺得佢嘅鹽酥雞都好值得一讚，因為雖然佢係專食湯麵嘅，但係佢嘅鹽酥雞都好出色。炸雞炸得外脆內嫩，而且調味啱啱好，唔怪得咁多人嚟試啦。呢間餐廳價錢又平，而且食物質素都好好，好多錢大家嚟試吓。…查看更多

十幾年前去福建出差時食過餐沙茶麵一試難忘，見到佢寫係台灣嘅沙茶麵都好有興趣去試，平時門口都好多人，問吓佢一個人居然唔使等，咁就試吓啦。我自己唔食牛肉，所以最多人食嘅紅燒牛肉麵我就無福消受啦。另外兩個主打係沙茶麵同埋蕃茄酸湯麵，今次就試吓沙茶麵叫咗沙茶虎皮鳳爪另外再加咗一份白菜豬肉餃$10配扁面都等咗一段時間先上枱，個湯好深色，但係又唔算好濃味，不過不失，反而最驚喜佢配菜入邊有好多菌類。 虎皮鳳爪即係炸過嘅鳳爪，幾索湯。另外加咗一份白菜餃， $10居然有四隻，幾抵見到對面位食緊蕃茄酸湯，聞落都幾香，下次會試吓。…查看更多