每次嚟臨家麵館，都係為咗佢哋碗「紅酸湯扁麵」！湯底真係一絕，酸得嚟好溫和，唔會嗆喉，味道濃郁得嚟層次分明，一飲就知係用心熬製。配料仲要超足料，每一啖都夾住豐富食材，我試過幾款麵底，扁面彈牙、米線爽口，口感滿分！
我本身唔食豬肉，同店員講咗之後，廚房居然特地幫我整咗碗無豬肉嘅版本，淨係紅酸湯底已經夠晒滋味！呢份貼心真係要大力讚👍！無論荃灣街市街或美孚分店，員工都好友善，有求必應，令人食得特別開心。
如果你同我一樣鍾意酸湯，呢碗紅酸湯扁粉絕對係你杯茶！湯濃、酸度恰到好處，加埋彈牙扁粉，真係食到舔舔脷～我已經同無數朋友推介過，100個保證你好食！快啲去試吓啦，保證一試難忘！
小吃：虎皮鳳爪亦屬必試推介
