影片
更多
2024-12-28
0 瀏覽
早幾個月去咗雅加達旅行，真係覺得印尼嘢食好啱香港人口味。早兩日去深水埗食印尼菜，發現香港人仲多過印尼人，而且到咗7點幾就全場爆滿，估唔到咁受歡迎！🌟牛骨牛肉丸 $69喺印尼真係成日食bakso（牛丸），同潮汕牛丸唔同，佢冇咁彈牙，但係肉味濃郁又有少少筋𡁻下。成支牛骨咁上真係好特別，但牛骨牛丸同普通牛丸食落其實完全一樣🤣。同埋明明佢唔係寫mie bakso，但係有跟個摻摻麵底，飽肚嘢嚟。🌟沙嗲羊肉6串 $119印尼串燒真係極極極好食！佢加咗醬油先落去燒，高溫燒到醬油焦糖化，燒得均勻又唔會有燶味。加埋甜甜嘅沙嗲醬就更加好味。🌟喇沙雞湯麵 $65類似星馬菜嗰種咖喱叻沙，非常濃郁，而且少少辣。雞肉份量非常多，肉質幾嫩滑。如果係東南亞旅行食到呢個水準都會覺得好正，喺香港就更加唔使講。🌟加多加多醬沙律飯團 $65蔬菜、炸豆腐、天貝撈沙嗲醬食。除咗青瓜同蕃茄之外其他都係熟嘅菜。基本上同喺印尼食嘅口味係一樣。🌟Cendol janda $29好重椰糖香嘅珍多冰～
早幾個月去咗雅加達旅行，真係覺得印尼嘢食好啱香港人口味。早兩日去深水埗食印尼菜，發現香港人仲多過印尼人，而且到咗7點幾就全場爆滿，估唔到咁受歡迎！
🌟牛骨牛肉丸 $69
喺印尼真係成日食bakso（牛丸），同潮汕牛丸唔同，佢冇咁彈牙，但係肉味濃郁又有少少筋𡁻下。
成支牛骨咁上真係好特別，但牛骨牛丸同普通牛丸食落其實完全一樣🤣。
同埋明明佢唔係寫mie bakso，但係有跟個摻摻麵底，飽肚嘢嚟。
🌟沙嗲羊肉6串 $119
印尼串燒真係極極極好食！佢加咗醬油先落去燒，高溫燒到醬油焦糖化，燒得均勻又唔會有燶味。加埋甜甜嘅沙嗲醬就更加好味。
🌟喇沙雞湯麵 $65
類似星馬菜嗰種咖喱叻沙，非常濃郁，而且少少辣。雞肉份量非常多，肉質幾嫩滑。如果係東南亞旅行食到呢個水準都會覺得好正，喺香港就更加唔使講。
🌟加多加多醬沙律飯團 $65
蔬菜、炸豆腐、天貝撈沙嗲醬食。除咗青瓜同蕃茄之外其他都係熟嘅菜。基本上同喺印尼食嘅口味係一樣。
🌟Cendol janda $29
好重椰糖香嘅珍多冰～
張貼
