栢檔極品海南雞飯

營業中

休息中

今日我就專程去咗荔枝角拍檔極品海南雞買外賣，佢哋有一個二人餐都幾抵食㗎，分別可以揀一款小食，一款主菜，半隻海南雞，同埋仲有蔬菜添。小食方面，我就揀咗麻香小雲耳，雲耳嘅份量都幾多，又唔會太過辣，都幾惹味呀。海南雞就已經去咗大部份骨啦，雞肉非常之新鮮，肉質好有彈性，配埋佢哋嘅醬汁嚟食，好好味呀。主菜方面，我哋就選咗滷水元蹄，份量都幾多，加上調味調得好好味，用嚟送飯就最啱呀。時菜方面，今次啲蔬菜都好新鮮，調味亦都調得唔錯。飯方面，可以揀雞油飯，又或者白飯，我呢就揀咗白飯。另外，我哋亦都加咗一個肉骨茶，肉骨茶有香濃嘅胡椒粉香味，亦有唔少嘅豬骨，都幾足料啊。整體嚟講，我覺得今次嘅外賣質素都幾高，下次有機會嘅話，我都會再嚟。