正九清湯腩 (餘慶大廈)

營業中

休息中

餐廳：正九清湯腩地點：佐敦佐敦道菜式：牛腩粉麵餐牌：新鮮牛腩牛骨，各款粉麵飯，飲品，假日都有下午茶餐等等。淨清湯牛三寶 $148淨清湯牛三寶超多，一共有16件牛腩，整得好淋，牛味濃，無特別吩咐已經係半肥瘦，果然係招牌。伴有8條彈牙牛肚同8條淋嗮既牛筋左右。下底五大舊白蘿蔔，又淋又香，吸左清湯更好味。蔥花放匙羨上面。牛腩幼麵 $42幼麵係完美彈牙口感，而且有蛋香，加枱上紅醋食一流。牛腩一客5件，同淨清湯牛腩一樣質素，令人忍唔住連肥膏食。蔥花放匙羹。個湯好清。加牛丸 加$8牛丸口感彈牙，入面有肉汁架。汽水 下午茶餐包飲品，汽水唔洗加錢，自己係櫃桶攞紙飲管。今餐牛腩真係好正，其他食物都唔差。餐廳裝修光猛，算乾淨，座位舒適。