正九清湯腩 (砵崙樓)

營業中

休息中

餐廳：正九清湯腩地點：旺角砵蘭街菜式：牛腩粉麵餐牌：新鮮牛腩牛骨，各款粉麵飯，飲品，都有下午茶餐等等。淨清湯牛腩 $138淨清湯牛腩超多，一共有廿幾件牛腩，整得好淋，牛味濃，無特別吩咐已經係半肥瘦，仲有少少荕，果然係招牌。下底四大舊白蘿蔔，又淋又香，吸左清湯更好味。個湯帶鹹香。菜肉雲吞米線 $37四隻大大隻菜肉雲吞，皮薄餡靚，好高質。米線幼身滑溜。蔥花放匙羹。個湯好清。紅油抄手 $25 紅油抄手一客有十隻，係扁身，餡少少不過有菜有肉，食落塊皮都好滑溜，加上辣油同蔥花，味道辣中帶甜。呢碟都好抵食。汽水下午茶餐包飲品，汽水唔洗加錢，跟有紙飲管。今餐牛腩雲吞真係好正，其他食物都唔差。餐廳裝修光猛，算乾淨，座位舒適。呢間餐廳細細間，平日下午茶時間都坐滿。