二十道

今日去咗北角覓食，嚟咗一間歐日式嘅餐廳。梗係要嚟試吓新派嘅拉麵。佢係用吧枱嘅形式，咁樣就可以睇住師傅製作。午餐時間已經好快坐滿咗人。睇嚟都係一間受歡迎嘅餐廳嚟㗎喎。首先要食佢嘅特色小食─鱈魚乾，呢個同平時食開嘅有啲唔同非常之特別，居然有啲cream可以撈住食，d cream好香滑，冇諗過同鱈魚乾都幾夾。之後我哋叫咗帆立貝壽司，壽司上面用咗青橘啫喱，清新既口味，好特別，突出帆立貝嘅鮮甜味道。再叫咗和牛醬油燒，和牛上而有兩粒黑椒子，食落有d卜卜脆既口感，都幾鍾意呢個配搭。壽司飯覺得同普通嗰啲壽司舖有少少唔同，問咗師傅原來啲壽司落左d 酒粕醋，食落有d酒香味，呢個idea 唔錯wo👍👍到咗戲肉啦，係我最期待嘅西班牙白豚肉拉麵（雞濃湯拉麵），佢用咗雞同帆立貝湯底，拉麵上面好似有意大利黃青瓜，味道新鮮，另外仲有BB蘆筍同車厘茄，令到湯嘅層次提升。佢嘅西班牙豚肉係厚切㗎，食落好鬆軟亦都好入味，疊到成個井字型，再放上拉麵上面，擺盤賣相一流！男朋友就叫咗個海鰻壽司丼，海鰻整得幾香口，都有好多料，對得住個價錢！！我自己個人就比較鍾意食拉麵多啲👏🏻👏🏻👍整體用餐感覺良好，見到佢有個二十道嘅菜式有啲心動想試