福和雍

營業中

休息中

呢度最出名嘅就係 獨特嘅裝修風格同懷舊港式點心。一入到「福和雍」，你就會俾嗰種又時尚又懷舊嘅氛圍吸引住。今次我帶咗媽媽嚟飲茶，真係一個好愉快嘅經歷。首先要介紹嘅係佢哋嘅招牌菜——軟殼蝦多士！呢道菜用咗新鮮嘅軟殼蝦，經過精心烹製，外皮酥脆，內裡鮮嫩多汁。配埋香脆嘅多士同彈牙蝦滑，每一啖都可以品味到蝦肉嘅鮮美同多士嘅香脆，真係試過一次就會愛上！媽媽都話呢道菜好好味。除咗軟殼蝦多士，仲有好多美味嘅港式點心。例如佢哋嘅蝦餃，皮薄餡多，仲有啲荀增加口感，蝦肉鮮甜；醉雞，酒香濃郁，肉質滑嫩；咖喱魷魚，魷魚彈牙，咖喱傳統香濃，真係令人食指大動。我哋仲點咗三花茶，清香解膩，完美搭配呢啲美食。媽媽話呢度嘅點心真係好有以前嘅味道，食完之後仲想再嚟。