一方堂居酒屋

營業中

休息中

今日放假又去咗尖沙咀行街,每次行完街都會喺尖沙咀搵好嘢食,今次喺尖沙咀厚福街搵到間日式餐廳食物質素好好。一方堂居酒屋,餐廳位置喺厚福街12號藍馬商業大廈9樓,上到去餐廳環境非常闊落,裝修得好有日式風情,感覺舒適。午市定食,刺身定食配飯 168 元,賣相真係勁吸引,有三文魚,吞拿魚,帶子,海膽,甜蝦,鯛魚,油甘魚,三文魚夠厚身,有啲魚油脂肪特別香口,帶子味道鮮甜,口感綿綿。 甜蝦size好大隻味道好新鮮,蝦肉食落去爽口彈牙,蝦頭蝦膏味道香口,海膽分量都算多,入口鮮甜無比,味道慢慢回甘。幾樣刺身都好新鮮,值得一試。網燒安格斯牛扒定食配飯 168元,牛扒分量好多燒到啱啱好,入口牛肉味香濃,有入口即溶嘅感覺,牛肉脂肪比例均勻,有少少油花香味,令牛肉嘅味道更加香濃,廚師好細心將牛扒切到一條條,另外配上沙律菜加蟹籽,蟹籽增添口感,沙律菜味道清新,酸甜甜真係好開胃。