影片
更多
2024-07-25
436 瀏覽
已經去過呢間餐廳食過幾次，貪佢坐得舒服而且Menu成日都會轉，啱晒我呢啲成日想食新嘢嘅人。值得一提嘅係，店員真係好殷勤同有禮貌。三文魚籽和三文魚皮脆脆明太子忌廉汁貓耳朵👂呢款係期間限定意粉，平時好少西餐廳會有貓耳朵選擇，我就好鍾意呢款意粉嘅質感，細粒得來煙煙韌韌，每一粒都沾滿明太子醬，三文魚子鹹香得來同明太子醬好夾，魚皮脆卜卜帶點辣味，夠晒特別！Seoulmate 3 味酸種包多士🥪呢款係另一款期間限定嘅食物，有三款特色酸種多士，分別係蟹肉牛油果、醬油蛋芝士吞拿魚，同埋烤豬腩肉泡菜他他，三款配搭都好有新鮮感，個人覺得烤豬腩肉泡菜他他口味最清爽，泡菜酸酸地帶點辣味，中和到豬腩肉嘅脂肪，會越食越開胃。墨西哥粟米片配酸忌廉和海苔肉鬆🌮除咗兩款期間限定嘅食品之外，仲嗌咗一款小食，但估唔到份量係咁多！兩個人真係食唔晒，但係都推介大家試吓，原因係出邊好少見會有肉鬆海苔口味嘅墨西哥粟米片，加上再配上芝士醬同埋黃金鹹蛋醬，夠晒特別，會令人一啖接一啖咁藥食越多！榛子忌廉配焦糖香蕉麻糬窩芙 配 雪糕🧇餐廳都有唔少甜品嘅選擇，我就揀咗比較特別嘅麻糬窩夫，煙煙韌韌好鬼正！加埋焦糖香蕉同朱古力雪糕，完全滿足到我
三文魚籽和三文魚皮脆脆明太子忌廉汁貓耳朵👂
呢款係期間限定意粉，平時好少西餐廳會有貓耳朵選擇，我就好鍾意呢款意粉嘅質感，細粒得來煙煙韌韌，每一粒都沾滿明太子醬，三文魚子鹹香得來同明太子醬好夾，魚皮脆卜卜帶點辣味，夠晒特別！
Seoulmate 3 味酸種包多士🥪
呢款係另一款期間限定嘅食物，有三款特色酸種多士，分別係蟹肉牛油果、醬油蛋芝士吞拿魚，同埋烤豬腩肉泡菜他他，三款配搭都好有新鮮感，個人覺得烤豬腩肉泡菜他他口味最清爽，泡菜酸酸地帶點辣味，中和到豬腩肉嘅脂肪，會越食越開胃。
墨西哥粟米片配酸忌廉和海苔肉鬆🌮
除咗兩款期間限定嘅食品之外，仲嗌咗一款小食，但估唔到份量係咁多！兩個人真係食唔晒，但係都推介大家試吓，原因係出邊好少見會有肉鬆海苔口味嘅墨西哥粟米片，加上再配上芝士醬同埋黃金鹹蛋醬，夠晒特別，會令人一啖接一啖咁藥食越多！
榛子忌廉配焦糖香蕉麻糬窩芙 配 雪糕🧇
餐廳都有唔少甜品嘅選擇，我就揀咗比較特別嘅麻糬窩夫，煙煙韌韌好鬼正！加埋焦糖香蕉同朱古力雪糕，完全滿足到我個甜品胃！
張貼
