合益泰小食

營業中

休息中

深水埗，唔好睇在佢多人，又迫又熱，但其實肚餓起上黎，隨時都有卧虎藏龍的小吃。每次去合益泰，個個都會自動自覺排隊，企定定，換拎定散銀錢出黎，今次單單叫左中腸粉，每次叫佢落齊咁多醬，不過每次都叫佢落多少少佢最右手邊黃色既醬汁。果個係乜。就係豬油，小時候老豆成日話帶我去食豬腸粉，就係咁解。我覺得叫得豬腸粉，就一定要落豬油，無錯！係多豬油，你依家日日飲豬油咩，一次半次唔健康就由佢啦。不過我就唔會拎走，因為D豬油會瓊。連埋D汁凍食就麻麻，加上我鐘意佢果D香脆芝麻，食落去又香又滑，加上我係痴線的，飲埋最尾既精華。咁先係完整食腸粉既過程。總結，得閒經過就會買，好過你去買7仔OK個D熱賣點既點心。