影片
更多
2024-11-13
1368 瀏覽
一直以來都覺得一幻拉麵水準穩定，初時的梘水味問題，已經有大幅改善，而且不時有限定口味推出，令人保持了新鮮感。其實囝囝好鍾意食拉麵，早幾年前去日本，囝囝對住ipad督督督，結果竟然督了兩碗的份量，真係笑死。今次一行三人去尖沙咀的分店，一來地方就腳，二來行出碼頭可以照下夜景，一家人散下步都幾舒服。最啱囝囝自私食既一人餐（$128）。櫻花蝦酢汁配粗麵店方主打的菜色，兩隻櫻花蝦配以叉燒，置底是蝦酢汁，食之前當然是大兜亂，食落幾開胃，毫不覺膩，不錯。套餐只得餃子3隻，下點醋更鮮，不過三隻不太夠。蟹棒蟹籽沙律（凱撒汁）大大條蟹棒，當然要動手腳，撕開一條條拌勻，多了一份甜味更好。加$20可換梳打汽水，而且有好幾款味道，囝囝就來一枝蜜桃味。二人拉麵套餐（$288）可以自由選擇兩款口味。辛辣味噌蝦湯拉麵（粗麵）在原有蝦湯上增加了辛辣的味道，感覺上層次多了，尤其是自己都偏愛重口味，粗麵掛滿湯汁，大口大口咬落，滿足了。原味拉麵（全蝦湯）（粗麵）很濃稠的蝦香味，原先都怕粗麵條會有梘水味，但食落又無野喎，而且好有嚼口，掛汁能力一流，叉燒亦都恰如其分的香滑，加上半隻流心蛋，吃得令人心花怒放。北海道帶子沙律（黑醋汁
一直以來都覺得一幻拉麵水準穩定，初時的梘水味問題，已經有大幅改善，而且不時有限定口味推出，令人保持了新鮮感。其實囝囝好鍾意食拉麵，早幾年前去日本，囝囝對住ipad督督督，結果竟然督了兩碗的份量，真係笑死。
今次一行三人去尖沙咀的分店，一來地方就腳，二來行出碼頭可以照下夜景，一家人散下步都幾舒服。
最啱囝囝自私食既一人餐（$128）。
櫻花蝦酢汁配粗麵店方主打的菜色，兩隻櫻花蝦配以叉燒，置底是蝦酢汁，食之前當然是大兜亂，食落幾開胃，毫不覺膩，不錯。
套餐只得餃子3隻，下點醋更鮮，不過三隻不太夠。
蟹棒蟹籽沙律（凱撒汁）大大條蟹棒，當然要動手腳，撕開一條條拌勻，多了一份甜味更好。
加$20可換梳打汽水，而且有好幾款味道，囝囝就來一枝蜜桃味。二人拉麵套餐（$288）
可以自由選擇兩款口味。
辛辣味噌蝦湯拉麵（粗麵）在原有蝦湯上增加了辛辣的味道，感覺上層次多了，尤其是自己都偏愛重口味，粗麵掛滿湯汁，大口大口咬落，滿足了。
原味拉麵（全蝦湯）（粗麵）很濃稠的蝦香味，原先都怕粗麵條會有梘水味，但食落又無野喎，而且好有嚼口，掛汁能力一流，叉燒亦都恰如其分的香滑，加上半隻流心蛋，吃得令人心花怒放。
北海道帶子沙律（黑醋汁），不單有嫩滑的帶子，又有喜歡的車厘茄及沙律菜，亦可以加$10轉辛辣餃子5隻。包兩枝飲品，不重覆，柑橘梳打及葡萄梳打各來一瓶。
先後追加了一向喜歡的幾味小食。
蝦味飯團（$20）真係食完一個又一個，不單入味又煙韌，蝦味完美滲入飯粒，必食。
想清清味蕾，再來一份龍蝦沙律配紫菜（$28）以及清爽中又惹味的胡麻汁脆辣雞伴青瓜（$38）。
之前曾經有過追加$32，可以在一小時內任食餃子，聽聞有一個人喪食60隻，實在好誇張。張貼
