紅伶飯店

營業中

休息中

同一大班朋友慶祝生日同埋食團年飯，梗係去打冷舖，又食到啲平時少啲食到嘅嘢，又有潮州風味，最緊要係成間舖頭嘅氣氛都好熱鬧，最適合食團年飯咁我哋有好多好多嘅人，所以都叫咗好多好多嘅餸當然有叫到佢出名嘅冰鎮墨魚片、蠔餅、椒鹽鮮魷、椒鹽九肚魚、鵝片、鵝肝、雞軟骨、椒鹽豆腐、金菇粉絲肥牛、啫啫雞煲、小炒王、蜜糖薯仔牛柳粒、馬拉盞通菜同埋反沙芋佢嘅冰鎮墨魚好爽口配埋佢個芥末豉油作為前菜簡直一流，佢嘅椒鹽鮮魷、椒鹽九肚魚椒鹽豆腐同雞軟骨，賣相都係差唔多，都係避風塘風味，好香口佢嘅蠔餅所有嘅邊位都好脆好多蠔又唔腥大大隻平時就比較少食滷水嘅鵝肝，今次第一次食，感覺都幾新鮮，佢嘅鵝片仲配埋豆腐同埋鵝腸，佢驚我哋例牌唔夠所以建議我哋叫¼隻，所以每個人都食到d其他嘅小菜都發揮到正常嘅水準，有鑊氣又唔會太鹹，食完之後都唔會覺得超級口渴最尾我哋食嗰個反沙芋，因為我哋叫焦糖反沙芋，所以上到嚟嘅時候啲焦糖一凍咗少少，就即刻凝固咗，所以我哋每個人都好大力先至可以分得開，有啲人仲整散曬添整體來講呢間嘢嘅服務態度同埋嘢食水準都好高建議大家可以book位試吓