Seoul Noodles (軒尼詩道)

營業中

休息中

午餐時候好多人排隊。試左幾款睇下係咪真係咁好味？❌雞湯麵雞湯味道太清，唔夠濃郁。就係普通嘅清湯味，再加啲大蔥。雞唔係切到一件件，而係4分之1隻咁呈現，大大件唔知點食。而且又多雞胸肉，食落好嚡口唔好食。麵條係彈牙嘅烏冬質地。👌🏼首爾牛肉醬油湯飯 湯底係淡淡嘅醬油味，仲有一啲牛肉味同埋泡菜嘅酸酸味道。牛肉係介乎牛腱同埋牛腩嘅質地，好軟腍。味道係原味。餐牌介紹d 飯係薏米飯，食落去比普通米飯嘅質感飽滿一啲，粒粒感覺多啲。但就唔係薏米嗰種質地。🤔泡菜餃子份量頗大。外皮煙煙韌韌，入邊嘅泡菜切到好腍，唔係好食到泡菜嘅感覺，冇乜肉粒感，都幾辣。整體味道一般。👌🏼釜山白肉湯飯非常清淡嘅豬骨湯味。豬肉味道頗甜。👌🏼豬肉餃子 入面嘅椰菜切到係蓉嘅質感，好傳統韓國椰菜豬肉餃嘅味道。試左幾樣，味道未至於伏，但係勁普通。