影片
更多
2024-01-12
226 瀏覽
媽咪好鍾意食粵菜，所以今晚帶咗佢嚟呢度開餐。呢度坐得好舒服，又有海景樓景睇，今晚我哋叫咗兩個湯同埋四個餸：杏汁豬肺湯（$98/位）呢個可以係話係招牌菜，好似話要訂㗎，不過好彩我哋今晚一早嚟到，所以Walk in都食得到。個湯燉得好夠火候，又足料，啲豬肺又洗得乾淨冇味，杏汁又夠濃，飲完都覺得好養顏養生。羊肚菌松茸竹笙花菇燉湯（$98/位）呢個湯一開蓋即刻見到好大個菜膽喺度，即刻覺得會係一個好下火嘅湯，而且啲菇類好粥，有唔少嘅羊肚菌、有好幾朵花菇、有一條竹笙，又有啲松茸，呢個湯清清地，啲湯料嘅菇類又有爽爽地嘅口感，好好飲。蜜汁西班牙叉燒拼燒腩仔 $238呢個叉燒同燒男仔真係冇得輸，叉燒切得厚薄均勻，肥瘦又均勻，又可以食到啖啖肉，又唔肥膩，又有燶邊，燒得非常好嘅叉燒。燒腩仔個皮又夠卜卜脆，而且五花腩肉嗰層肥瘦分明，睇到係千層肉嘅視覺，再點咪似係自家條配嘅解辣真係食落一啲都唔肥膩，中間仲配埋少少海蜇中和下啖啖肉嘅口感，係一個非常好嘅配搭。脆焗鮮鳳尾蝦多士（兩份）$136就咁睇以為係脆炸而成嘅，但其實原來係焗到脆嘅。呢個蝦多士係上面上咗一層好厚好足料又爽彈啖啖肉嘅蝦膠，兒歌底只係墊住一天薄薄地嘅
杏汁豬肺湯（$98/位）
呢個可以係話係招牌菜，好似話要訂㗎，不過好彩我哋今晚一早嚟到，所以Walk in都食得到。個湯燉得好夠火候，又足料，啲豬肺又洗得乾淨冇味，杏汁又夠濃，飲完都覺得好養顏養生。
羊肚菌松茸竹笙花菇燉湯（$98/位）
呢個湯一開蓋即刻見到好大個菜膽喺度，即刻覺得會係一個好下火嘅湯，而且啲菇類好粥，有唔少嘅羊肚菌、有好幾朵花菇、有一條竹笙，又有啲松茸，呢個湯清清地，啲湯料嘅菇類又有爽爽地嘅口感，好好飲。
蜜汁西班牙叉燒拼燒腩仔 $238
呢個叉燒同燒男仔真係冇得輸，叉燒切得厚薄均勻，肥瘦又均勻，又可以食到啖啖肉，又唔肥膩，又有燶邊，燒得非常好嘅叉燒。燒腩仔個皮又夠卜卜脆，而且五花腩肉嗰層肥瘦分明，睇到係千層肉嘅視覺，再點咪似係自家條配嘅解辣真係食落一啲都唔肥膩，中間仲配埋少少海蜇中和下啖啖肉嘅口感，係一個非常好嘅配搭。
脆焗鮮鳳尾蝦多士（兩份）$136
就咁睇以為係脆炸而成嘅，但其實原來係焗到脆嘅。呢個蝦多士係上面上咗一層好厚好足料又爽彈啖啖肉嘅蝦膠，兒歌底只係墊住一天薄薄地嘅脆焗多士，個主角完全係喺個蝦膠嗰度，好適合用刀叉嚟食。
燕麥黃金北海道大元貝（兩件）$148
呢個簡直係天使與魔鬼大鬥法嘅菜式。有好健康嘅燕麥做coating，然後又上咗層好邪惡嘅黃金蛋黃碎，個外皮做到好脆，再切開先見到主角大元貝出場，內裏大元貝嘅原汁原味又鎖住左喺入面👍🏽👍🏽👍🏽
上湯千層菠菜（轉菜心）$188
上湯浸住啲菜心，上面灑上幾粒杞子，側邊伴有幾條素齋，為今晚咁豐盛嘅晚餐做咗一個平衡。菜心好新鮮，好鮮嫩。
不得不提呢度啲普洱茶靚，成餐晚飯一路飲住普洱啲茶色都冇轉淡，真係好少中式餐館連茶都做得咁好，啲侍應亦都好細心。見你啲茶差唔多飲完，都會主動過嚟幫你斟吓茶，換下水。
杏汁豬肺湯
8 瀏覽
0 讚好
0 留言
羊肚菌松茸竹笙花菇燉湯
5 瀏覽
0 讚好
0 留言
羊肚菌松茸竹笙花菇燉湯
12 瀏覽
0 讚好
0 留言
蜜汁西班牙叉燒拼燒腩仔
5 瀏覽
0 讚好
0 留言
蜜汁西班牙叉燒拼燒腩仔
5 瀏覽
0 讚好
0 留言
脆焗鮮鳳尾蝦多士
20 瀏覽
0 讚好
0 留言
燕麥黃金北海道大元貝
6 瀏覽
0 讚好
0 留言
燕麥黃金北海道大元貝
5 瀏覽
0 讚好
0 留言
上湯千層菠菜（轉菜心）
9 瀏覽
0 讚好
0 留言
張貼
