尚鮮海鮮料理

營業中

休息中

今日想去打邊爐 去咗呢間樓上火鍋"尚鮮"我哋叫咗個湯底係 姬松茸冬瓜湯， 食之前真係要飲番碗湯先，好香姬松茸味好好飲😋我哋 兩個人叫咗黑豚肉片， 鮮炸脆響鈴， 佢哋個響鈴真係師傅新鮮炸起，唔係喺出面現成買一盒盒嗰啲， 嚟嗰陣時係熱辣辣脆卜卜，好正👍 聖子皇 好大隻好新鮮彈牙。師傅啲刀工真係好好， 可以將 脆鯇魚片和花之片 切得好薄， 淥一淥就食得，起初朋友都擔心花枝片會好韌，原來一啲都唔韌， 好爽 👍。豬肉丸同墨魚丸， 啲丸係佢哋自己新鮮手打，都唔係現成買返嚟。 最後叫埋個刀削麵和菜心，個麵同埋已經吸收所有精華嘅湯一齊食好好味，菜心好翠綠🥬🥦仲有使唔使插得咁整齊呀😲🤗其實樣樣都好新鮮， 唔怪之得叫尚鮮， 下次都係要叫多啲人一齊打邊爐先可以叫多啲嘢。