孖啡 (已結業)

旺角旺中帶靜的食肆一定要選擇樓上店，即使你同朋友坐低吹水耐了，店員都吾會催你買單走人。孖啡是一間我去旺角必會會考慮食野地方，原因是近旺角市中心，行完街過去5分鐘左右，地方寬環境裝修舒服，店員服務周到。今晚我同朋友食左以下：薄荷朱古力： 忌廉打得好綿，朱古力粉都足夠，配薄荷雪糕，整體味道吾錯，我見到附近左右都有人order呢款。芒果乳酪： 有較多忌廉，如食吾到咁多可要求減少，芒果味香濃，都幾大杯抵飲。溫泉蛋卡邦尼煙肉意大利粉：上菜時未食食已聞到香濃卡邦尼汁味到，忍吾住第一時間去試，果然無令人失望，卡邦尼汁配煙肉組口，將人既味覺推到最好，要讚既係卡邦尼汁足夠，吾會食食下干左，要夾硬食幾口又要飲野。牛肝菌帆立貝野菌意大利飯：此飯傷量吾多，但係落既材料足夠，淨係帆立貝都落左三隻，而且大大隻，其他材料如摩菇都份量，食落吾會只得飯感覺。環境清幽可以望到彌敦道，望街景食野好味啲。😀總結：值得推薦，食物質素，環境，服務態度都有水準，鄰近地鐵站，方便前往。