Spice bazaar

🫓🇮🇳🍛樓上休閑食印度菜✨openrice 訂座9折✅前菜前菜唔使收錢，係一個脆片嘅拼盤，配咗綠色嘅薄荷醬，脆片有兩款，一款有麥香一款應該係粟米片，薄荷醬味道好特別，幾清新。✅印度鹽酥雞65 -$108呢個前菜喺店員推薦，真係幾好味，推薦大家試吓！雖然係叫鹽酥雞，但佢係燒烤嘅雞粒黎，火喉剛剛好，外層香口，有香料味，微辣惹味，而內層雞肉仲係好嫩滑，都有10粒以上。✅牛油雞紅咖喱 -$158✅澳洲尖吻鱸黃咖喱 - $168兩款咖喱都做得唔錯，各有特色，黃咖喱嗰個比較重香料味同埋會較辣，但係相對更加香口同埋惹味。牛油雞紅咖喱就配咗椰奶，所以椰香味會重啲。魚肉同埋雞肉嘅份量都算多，同埋啲肉好滑。✅蒜香牛油烤餅 / 松露芝士烤餅 - $58每份烤餅都有四片，每片都幾厚同埋好足料，烤得香脆，有厚度，夠飽肚。松露嗰隻都真係有幾多黑松露，蒜香牛油味亦都好食。