樂酒場 がくさかば

營業中

休息中

坐底即劾點左佢既特色牡蠣六品，包括有黑松露醬，西京味噌，牛油味噌，芝士魚子，蒜蓉牛油，明太子芝士，唔同口味既燒蠔可以一次過享受曬，我個人中意食黑松露醬，燒完個松露味更加濃郁，蒜油牛油最基本亦都係好好味，每隻牡蠣都十分肥美，芝士就較creamy啲，吉列千層牛肉卷都推介，即叫即炸，而且廚師厲害，咁多層牛肉片可以整齊上枱切開，唔會一咬就散曬，沖繩苦瓜炒黑豚肉，有加埋滑蛋落去炒，苦瓜同香港食唔同，苦澀較淡，所以易入口，必定要食餐飯既刺身，我哋點左北寄貝原隻刺身，賣相放盤已經吸引，想講真係超級地鮮甜！！！完全唔洗醬油都食到個種清甜海鮮味，入口即融咁濟，係我食過最高質既北寄貝刺身，溫度又夠冰凍！大讚！飲品就同朋友飲少少酒，點左巨峰燒酎，巨峰提子汁加燒酒係一流，清啲就可以點美女青瓜特飲，仲寫明含豐富維他命K，啱曬注重健康既女士們，最得意係佢隻杯係螺旋型杯底，會搖搖下但又唔會倒瀉，好趣緻第一次見呢款杯😂😂