The Market

Hotel icon the market 出名自助餐，性價比高，鍾意食榴槤嘅朋友，千祈唔好錯過！今次我就同朋友食早午自助餐，11:45去到2:30，時間充裕，包你食到捧住個肚走都得。食物非常豐富，有沙律前菜冷盤，芝士種類多好多。飲品選擇都好多，4種果汁，咖啡，奶或茶。我哋星期六去包氣泡酒，而且係任飲。魚生海鮮區種類基本都有，食得出好新鮮。二月主題係龍蝦。分別熱食同埋冷盤都提供左唔同烹調方法整嘅龍蝦，照顧不同喜好嘅客人。呢度嘅自助餐出名東南亞嘢食，我都有食佢嘅喇沙同埋咖喱，味道濃郁，非常之嘢味😝😋👍🏻甜品當然唔少得任食好多種類嘅榴槤甜品啦！最後食埋佢個生果，佢呢度有個人蔘果相對上喺市場上比較少見都幾好食。我哋嗰日慶祝生日，預早同佢哋講有送蛋糕。整體而言，味道價錢整體上物超所值，有機會會再返嚟食！記得如果係理工校友的話，出示校友會或者理工嘅信用卡有優惠