柏麗廳

營業中

休息中

呢間今年年頭新開嘅自助餐，性價比都幾高，分3個時段收費，而今次我地就食6點到10點嘅全時段。基本上熱食方面大概有十零款選擇亦都有小朋友喜歡食嘅意粉，而生蠔比較細隻，長腳蟹唔會死咸，而刺身種類得4-5款，但切件偏細塊，最吸引嘅係佢白酒紅酒任飲，同埋有紅豆冰黑牛涼粉冰飲。去到7點幾左右，啲食物會有少少變化，會有凍龍蝦，鴨肝多士，和牛比較好啲嘅食物；因為做緊榴槤主題，所以兩段時間都會有榴槤奶昔特飲，另外甜品方面都有大概7-8款榴槤味選擇，最值得食嘅個人認為係榴槤蓉，另外其他類型嘅甜品都會5-6款！！！值得一提嘅係會有可以order寫字嘅心太軟甜品，方便大家可以慶祝節日🩷不過環境就比較迫，餐枱同拎嘢食嘅枱面個距離會比較近，但整體而言呢個價錢係都唔差嘅。