蠔灣 (水星街)

營業中

休息中

今日約左一個同機喜歡食蠔的朋友來到天后這間餐廳吃晚餐。餐廳的間隔、罷位都係令人舒服的。侍應都非常積極咁同我地推介餐廳今日有咩新鮮的海鮮。最後我地叫左一個活龍蝦套餐同埋一啲生蠔同刺身。先講我地叫的幾款生蠔，第一款係honey point，蠔型十分細小，但卻係今晚食的多種最鮮甜的。第二款食的係Sydney Rock，海水味較濃，但食落口感最滑。餐廳仲推薦我地食幾款法國生蠔，佢哋話要食蠔味重的話，就要試下法國蠔，而餐廳的確冇介紹錯。而龍蝦湯飲得出係好足料，而且龍蝦味好出，相信煮左好耐時間，而龍蝦意粉係用蝦膏煮，所以呈青色，每啖都有濃濃的蝦膏味道，意粉硬度亦岩岩好。我地最後仲叫左一份鵝肝多士，鵝肝非常大件，但配上自製的黑醋奇異果醬，食落好fresh。