影片
更多
2023-01-15
59 瀏覽
黎到呢間尖沙咀嘅三日月，一入去就有好舒適嘅居酒居氣氛，裝修風格、座位配置都好有格調同心思。今日同男朋友各自叫咗個鮑魚一人餐，自選菜式入面都各自叫咗唔同嘅菜式，餐廳都好貼心主動俾多2隻碟我地!兩位師傅喺我哋前面整鐵板燒，見到佢哋咁認真咁專注，真係為我哋嘅體驗再加分！其中一位師傅係日本人，都會努力解釋材料俾我哋聽，好專業！前菜有三道小食，煙燻雞肉刺身識落嘅口感同味道都似煙熏三文魚，煙熏茄子味道濃厚，總括嚟講呢三款前菜都做到令人開胃嘅目的，亦比到人新鮮感同驚喜。🤩刺身五點盛，刺身質素非常之高，尤其是係油甘魚同吞拿魚腩，都算係我食過嘅刺身入面最高質嘅，肥美鮮甜，入口即溶！😋生蠔，黎自於岩手嘅肥美生蠔🦪，無需任何調味，入口唔腥，反而係撲鼻而來嘅海水味！南非鮑魚未上碟，我已經好期待啦！因為師傅俾我哋睇嘅時候，隻鮑魚又大隻又新鮮，再加上前菜都咁有質素，鮑魚一定都好好味！果不其然，師傅冇用多餘嘅調味料，就用咗昆布嘅湯汁淋上去先得啱啱好嘅鮑魚上面，鮑魚柔嫩爽彈，昆布帶出咗鮑魚嘅鮮味，每一啖都係極致嘅享受！🤩🤩雖然白鱈魚都已經係我食過嘅鱈魚嘅天花板，好鮮甜嫩滑，配上特色醬汁真係一流，但係鐵板虎蝦又俾到驚喜
黎到呢間尖沙咀嘅三日月，一入去就有好舒適嘅居酒居氣氛，裝修風格、座位配置都好有格調同心思。
今日同男朋友各自叫咗個鮑魚一人餐，自選菜式入面都各自叫咗唔同嘅菜式，餐廳都好貼心主動俾多2隻碟我地!
兩位師傅喺我哋前面整鐵板燒，見到佢哋咁認真咁專注，真係為我哋嘅體驗再加分！其中一位師傅係日本人，都會努力解釋材料俾我哋聽，好專業！
前菜有三道小食，煙燻雞肉刺身識落嘅口感同味道都似煙熏三文魚，煙熏茄子味道濃厚，總括嚟講呢三款前菜都做到令人開胃嘅目的，亦比到人新鮮感同驚喜。🤩
刺身五點盛，刺身質素非常之高，尤其是係油甘魚同吞拿魚腩，都算係我食過嘅刺身入面最高質嘅，肥美鮮甜，入口即溶！😋
生蠔，黎自於岩手嘅肥美生蠔🦪，無需任何調味，入口唔腥，反而係撲鼻而來嘅海水味！
南非鮑魚未上碟，我已經好期待啦！因為師傅俾我哋睇嘅時候，隻鮑魚又大隻又新鮮，再加上前菜都咁有質素，鮑魚一定都好好味！果不其然，師傅冇用多餘嘅調味料，就用咗昆布嘅湯汁淋上去先得啱啱好嘅鮑魚上面，鮑魚柔嫩爽彈，昆布帶出咗鮑魚嘅鮮味，每一啖都係極致嘅享受！🤩🤩
雖然白鱈魚都已經係我食過嘅鱈魚嘅天花板，好鮮甜嫩滑，配上特色醬汁真係一流，但係鐵板虎蝦又俾到驚喜我。我本來見師傅煎咗好耐以為會好乾，點知唔乾之餘仲係夾口彈牙，加埋香到爆嘅蝦膏醬汁，真係想食多一隻！🤪
鐵板野菜嘅嘢菜，全部都來自日本，味道自然都係水準之上啦😆！而到鐵板燒黑毛豬肩同埋牛柳嘅環節其實我已經8成飽啦，但係都無阻我食完嘅決心！🤣
估唔到最後仲有一個炒飯，仲要係我最愛嘅櫻花蝦炒飯，師傅加埋梅子醬，減低油膩感，仲要有鏗魚汁撈飯兩食，搞到我又食哂碗飯💦💦💦
最後嘅最後，甜品揀咗薑味雪糕同埋桃味雪芭。為今餐畫完完美句號！✨✨
張貼
