影片
更多
2021-11-01
213 瀏覽
每次經過希雲街都會見到一條人龍排緊蕃茄仔🍅，搞到我放棄咗試過嘅念頭🥺 今次特登早少少去攞位，6點頭就到咗，等十分鐘就入得(*¯︶¯*)呢度基本上得一款湯底，就係自家製嘅蕃茄濃湯，鍾意蕃茄嘅朋友一定要試！~𝓞𝓿𝓮𝓻𝓪𝓵𝓵~ ✨價錢:8/10👅味道:8.3/10🌌環境:6.5/10▫️ 蕃茄濃湯•炭燒風味雞扒刀削麵 $62 (8.5/10)嚟呢度就係為咗嗰湯底！蕃茄湯底屬於偏杰身，蕃茄味清甜同自然，唔會過酸或過甜，飲得出係無落味精，飲曬成碗都唔口渴，裏面仲食到蕃茄蓉~ 雞扒炭燒味濃，雞皮煎到好脆，而且肉質仲係好juicy，有驚喜( ´▽｀) 刀削麵就正正常常，無話特別出彩，但有咬口，亦好掛湯汁▫️ 蕃茄濃湯•牛魔王刀削麵 $78 (8/10)另一碗就揀咗同樣好hit嘅牛魔王，裏面有牛肩同牛𦟌~ 兩款牛味都夠出，特別係牛𦟌切得厚身，好有口感。但呢款就無雞扒咁有驚喜🙈整體食物質素都係會令我再回訪！不過座位有啲狹窄，進食時有啲唔方便，唔會攞住好多野嘅時候去食，會無位放😂
每次經過希雲街都會見到一條人龍排緊蕃茄仔🍅，搞到我放棄咗試過嘅念頭🥺 今次特登早少少去攞位，6點頭就到咗，等十分鐘就入得(*¯︶¯*)
呢度基本上得一款湯底，就係自家製嘅蕃茄濃湯，鍾意蕃茄嘅朋友一定要試！
~𝓞𝓿𝓮𝓻𝓪𝓵𝓵~
✨價錢:8/10
👅味道:8.3/10
🌌環境:6.5/10
▫️ 蕃茄濃湯•炭燒風味雞扒刀削麵 $62 (8.5/10)
嚟呢度就係為咗嗰湯底！蕃茄湯底屬於偏杰身，蕃茄味清甜同自然，唔會過酸或過甜，飲得出係無落味精，飲曬成碗都唔口渴，裏面仲食到蕃茄蓉~ 雞扒炭燒味濃，雞皮煎到好脆，而且肉質仲係好juicy，有驚喜( ´▽｀) 刀削麵就正正常常，無話特別出彩，但有咬口，亦好掛湯汁
▫️ 蕃茄濃湯•牛魔王刀削麵 $78 (8/10)
另一碗就揀咗同樣好hit嘅牛魔王，裏面有牛肩同牛𦟌~ 兩款牛味都夠出，特別係牛𦟌切得厚身，好有口感。但呢款就無雞扒咁有驚喜🙈
整體食物質素都係會令我再回訪！不過座位有啲狹窄，進食時有啲唔方便，唔會攞住好多野嘅時候去食，會無位放😂
張貼
