PHI Coffee & Pancake (卡佛大廈)

營業中

休息中

👧🏻想食開心果甜品，媽咪話要食梳乎厘pancake🤪。Phi就可以滿足曬👧🏻👩🏻既要求，又可以滿足到👧🏻呢個開心果fans，有齊開心果鹹食同Tim食，又可以滿足到媽咪嘅Soufflé Pancake慾望😍！🌟開心果帶子意粉開心果意粉醬汁幾Creamy，意粉份量亦唔少，面層更灑上少開心果碎。味道上個人認為蒜香味比預期中突出，加上有蘑菇，大家可以放心，開心果醬意粉絕對唔會奇怪。帶子就有三粒，生熟度啱啱好。🌟香煎雞扒全日早餐香煎雞扒全日早餐就有齊兩塊雞扒、炒蘑菇、蕃茄、沙律、煎蛋同多士。👧🏻就幾欣賞煎雞扒皮脆肉嫩，顏色金黃，估計有用重物壓住嚟煎雞扒！🌟特濃開心果迷上梳乎厘Phi一貫嘅疏乎厘pancake都係充滿空氣感，富有蛋香而唔會太甜。加埋大量開心果醬、開心果忌廉、開心果碎、穀物脆脆同開心果奶凍，不論味道同口感都相當有層次。開心果奶凍仲見到有用雲呢拿籽，幾足料！🌟飄浮士多啤梨梳打士多啤梨梳打非常清爽，唔算太甜，仲有齊新鮮士多啤梨同士多啤梨乾，幾有誠意！🌟開心果咖啡開心果咖啡面層係忌廉，中間係Espresso，底層有唔少開心果醬同果仁碎。撈勻嚟飲時咖啡同開心果味依然平衡，唔會搶咗大家嘅風頭。