Green Orange

七個人諗住叫唔同lunch set試吓，餐牌六款已經有兩款冇，唔緊要。煎三文魚，皮要脆做唔到，冧啤啤嘅。最大鑊嘅係三文魚中心係生嘅，就好似刺身咁。好明顯冇做好融雪就煎趕住上枱啦。侍應拎返俾廚房，轉頭出返嚟係一碟我哋切開咗散件上嘅三文魚。牛扒，唔知原先乜嘢扒冇咗要加錢轉另一隻扒，OK啦。完全無牛味，淨係有鹽味黑胡椒味。我哋要五成熟，最後出嚟嘅係有大約一部份七成熟，又有一部份三成熟左右。最後，叫侍應上前一晚已經order咗嘅甜品（配上咗生日字句），10分鐘後侍應話整緊㗎啦，再10分鐘後再問我哋要咩甜品⋯⋯唔值二百幾蚊嘅lunch。我蠢呀，我疑惑如何有咁多正評嘅。🧐