牛大人台灣火鍋吃到飽 (銅鑼灣廣場二期)

營業中

休息中

牛大人食火鍋向來都好出色，今次我叫咗佢個極上和牛放題，首先唔好講個牛，出面嘅配菜都有好多選擇，淨係魚蛋或者丸類嘅食物選擇都非常之多，仲有麻辣丸添。另外仲有好多唔同嘅墨魚丸，貢丸，甚至係蔬菜嘅食物我哋都好滿意。而且飲品方面呢度主打台式嘅飲品，有唔同嘅茶類，例如菊花茶或者係白桃烏龍茶，全部都好開胃好啱我哋口味。我哋仲叫咗冬瓜茶同金鑽愛玉冰😋呢個極上黃牛放題係包括M5嘅澳洲和牛，食落去特別係有牛味。呢度嘅湯底亦都好多選擇，我哋叫咗個台中蒜頭雞鍋，湯底清清地幾好味。另外除咗主食之外仲有啲台式嘅小食，例如係鹽酥雞，台式香腸，全部都係任叫，連皮蛋豆腐都有，所以呢度的款式都真係非常多。