三日月

營業中

休息中

三日月鐵板燒有多款唔同嘅套餐，我哋揀咗幾豐富嘅極上一人前鐵板餐$998/位。先嚟緊嘅前菜三小點有煙熏雞肉、豆腐同海葡萄沙律。煙熏雞肉有淡淡嘅煙燻味，豆腐好滑，海葡萄沙律嘅酸甜口感清新爽口。然後就係極上刺身啦，有油甘魚、赤身同甜蝦，鮮味十足！仲有季節時令嘅宮崎縣生蠔，好新鮮大隻有海水味！鮮活南非鮑魚非常生猛，所以肉質非常彈牙。茶碗蒸夠熱，蛋又滑，面上有三文魚子帶出鮮味。帝王虎蝦，大隻爽口，配埋啲蝦膏醬好正！師傅仲將個蝦頭煎到脆脆，可以食埋，好香口。美國安格斯牛柳揀咗5成熟，煮得啱啱好，加埋蒜片食更香。之後就係鐵板炒飯同日本野菜及味噌湯啦，簡單但係好食！最後食埋個雪糕，鐘意佢雪糕面上有啲脆脆口感更好。