影片
更多
2024-12-30
274 瀏覽
年尾就係瘋狂同朋友聚會😂當中一定唔少得打邊爐。呢間係其中一位朋友食過而推薦再食嘅，話呢度嘅椰子雞同牛肉都好出色，所以我哋就揀咗呢一間。⭐️招牌椰子雞鍋(半隻雞) - $248估唔到呢度嘅椰子雞湯真係用咗兩個椰皇，好足料咁倒晒落去做湯底，飲落好清甜，而且椰香味濃，加入雞肉食落嫩滑唔老，同朋友每人都飲咗幾碗個湯底🤣⭐️美國安格斯板眼 - $188呢款安格斯板眼油花分布得好均勻，淥5至8秒就啱啱好。一食落去好快就融化，留下淡淡嘅牛肉味，好快就俾我哋幾個人清晒成碟嘢😝⭐️新鮮第一刀 (新鮮豬肉片) - $178呢度嘅豬肉片切得好薄，肉質超柔嫩，煮完後吸收湯汁，每一啖都滲住椰子嘅甜香味，無論加唔加豉油都已經好好食！⭐️彈牙手打墨魚滑 - $78墨魚滑彈牙之餘鮮味十足。加上蟹籽食落多咗一粒粒嘅口感幾過癮！⭐️手打四寶丸(牛丸，墨魚丸，鯪魚丸，蝦丸) - $88四款手打丸子個個都好有特色，味道各有唔同，牛丸肉香，墨魚丸鮮甜，鯪魚丸滑嫩，蝦丸彈牙而帶鮮味，一次過可以試晒四款都幾抵食！⭐️油麥菜 - $28 & 皇帝菜 - $38同打邊爐最夾嘅兩款菜😍睇落都好新鮮，輕輕一燙就可以食，中和咗其他食材嘅油膩，健康又好味
⭐️招牌椰子雞鍋(半隻雞) - $248
估唔到呢度嘅椰子雞湯真係用咗兩個椰皇，好足料咁倒晒落去做湯底，飲落好清甜，而且椰香味濃，加入雞肉食落嫩滑唔老，同朋友每人都飲咗幾碗個湯底🤣
⭐️美國安格斯板眼 - $188
呢款安格斯板眼油花分布得好均勻，淥5至8秒就啱啱好。一食落去好快就融化，留下淡淡嘅牛肉味，好快就俾我哋幾個人清晒成碟嘢😝
⭐️新鮮第一刀 (新鮮豬肉片) - $178
呢度嘅豬肉片切得好薄，肉質超柔嫩，煮完後吸收湯汁，每一啖都滲住椰子嘅甜香味，無論加唔加豉油都已經好好食！
⭐️彈牙手打墨魚滑 - $78
墨魚滑彈牙之餘鮮味十足。加上蟹籽食落多咗一粒粒嘅口感幾過癮！
⭐️手打四寶丸(牛丸，墨魚丸，鯪魚丸，蝦丸) - $88
四款手打丸子個個都好有特色，味道各有唔同，牛丸肉香，墨魚丸鮮甜，鯪魚丸滑嫩，蝦丸彈牙而帶鮮味，一次過可以試晒四款都幾抵食！
⭐️油麥菜 - $28 & 皇帝菜 - $38
同打邊爐最夾嘅兩款菜😍睇落都好新鮮，輕輕一燙就可以食，中和咗其他食材嘅油膩，健康又好味。
⭐️蜂巢豆腐 - $32
蜂巢豆腐外脆內嫩，吸滿湯汁，每一啖都好有豆香。食落去好滑！
⭐️紅薯粉 - $18
紅薯粉好Q彈，一份已經夠2-3人分，吸晒湯嘅所有精華，又邪惡又好食🤣
張貼
