滾爺火鍋 (上海街)

營業中

休息中

朋友話我哋真係太耐冇去打邊爐了，所以就選擇咗「滾爺火鍋」去滾一滾，餐廳位置都唔難搵，又近油麻地地鐵站，好方便。餐廳環境好乾淨，燈光光猛，不過拍照就要就一就，塊面好容易爆光，但影食物又好靚喎！真係難兩全其美啊！湯底叫左「招牌泰國椰子雞鍋」，首先會放鮮雞落鍋，再放原隻椰青水，開火煮滾，然後關火焗5分鐘就可以食（佢提供埋沙漏斗比你計時）。雞肉好滑，湯可以直接當湯飲，好香椰子味，又好清甜，飲左兩碗湯啊我。火鍋食品：即炸響鈴、手打四寶丸、手包鮮蝦雲吞、唐三藏(田園蔬菜拼盤)、Choice級美國安格斯牛肩胛、嫩鴨血、讚岐烏冬我最鍾意雲吞，餡料新鮮又皮薄好味。牛肩胛顏色鮮艷勁靚，勺一勺就食得，正爆。嫩鴨血比較實同有咬口。烏冬愛上了，非常煙韌。四寶丸非常彈牙啊！飲品叫左可口可樂及青島啤酒，好夠凍。