滾爺火鍋 (上海街)

營業中

休息中

近排好想食椰子雞，於是問吓食貨朋友，佢話唔一定上深圳，我哋可以喺香港都有得食椰子雞邊爐㗎，於是我就同屋企人去咗旺角呢間食椰子雞火鍋。招牌椰子雞鍋 （半隻雞） $248湯底係用兩個新鮮椰皇同埋兩個新鮮椰青，整出嚟嘅椰子汁同埋椰子肉，仲有馬蹄，同埋半隻文昌雞，慢火煮大約10分鐘。椰子汁好清甜，雞肉都幾嫩滑。手包鮮蝦雲吞 （六粒） $66雲吞大大粒，充滿新鮮嘅蝦肉，啱晒愛嚟打邊爐！田園菇菜拼盤 $68打邊爐，最緊要落咗菜先，呢度有好多唔同嘅菜，慢慢煮嚟，有菇啦菜啦粟米啦！美國安格斯板眼 $188呢個打卡效果好好，而且牛肉鮮嫩，打邊爐一流。讚歧烏冬 $28烏冬係比較健康嘅碳水，所以我哋揀嚟食飽肚又唔怕肥。藍妹啤酒🍻 （大樽裝） $39屋企人鍾意飲啤酒，所以叫咗，但係我飲半杯就不勝酒力。