影片
更多
2025-03-03
714 瀏覽
最近經常出入旺角油麻地，附近既野食基本都試過。朋友今日介紹左一個好有特色既樓上cafe，聽講係幾特別的。 Cafe 以森林做主題，有大量木元素同埋公仔，裝修好靚。依杯水係紫色非常特別，飲落係少少檸檬味，問左原來係加左蝶豆花所以先有甘既顏色。 牆城小食拼盤有甜辣炸雞翼2隻，德國腸2 條，炸薯條，炸蕃薯條，馬蘇里芝士條，三角流心芝士。估唔到叫左個（小）但份量甘多，完全唔小！佢既炸物好出色，全都炸到香脆，特別好味既係炸雞翼同埋蕃薯條，前者外脆又多肉汁，而後者係脆加甜既。 牆城豪華早餐都好豐富，有芝士大啡菇，煙三文魚，德國豬肉腸，煙肉，炒滑蛋，蕃茄，脆薯餅，茄汁豆，烘多士。大啡菇好好味，有滿既芝士，啖啖肉食到好過癮。多士烘到幾脆，加埋牛油好正。炒蛋都好出色。 青醬帶子扁意粉，比平時既青醬多左奶香味。有好濃既奶味，入口好滑。意粉份量意外地多，口感彈牙，唔錯。面頭有三隻帶子同埋芝士片，肉質鮮嫩，整體唔錯。 總括而言，依間cafe由裝修到食物都好有自家特色，服務都好好。今次黎既時候見到有唔少人聚會緊，環境夠靚都係一班朋友聚腳好去處，下次約埋班friend黎先。
最近經常出入旺角油麻地，附近既野食基本都試過。朋友今日介紹左一個好有特色既樓上cafe，聽講係幾特別的。
Cafe 以森林做主題，有大量木元素同埋公仔，裝修好靚。依杯水係紫色非常特別，飲落係少少檸檬味，問左原來係加左蝶豆花所以先有甘既顏色。
牆城小食拼盤有甜辣炸雞翼2隻，德國腸2 條，炸薯條，炸蕃薯條，馬蘇里芝士條，三角流心芝士。估唔到叫左個（小）但份量甘多，完全唔小！佢既炸物好出色，全都炸到香脆，特別好味既係炸雞翼同埋蕃薯條，前者外脆又多肉汁，而後者係脆加甜既。
牆城豪華早餐都好豐富，有芝士大啡菇，煙三文魚，德國豬肉腸，煙肉，炒滑蛋，蕃茄，脆薯餅，茄汁豆，烘多士。大啡菇好好味，有滿既芝士，啖啖肉食到好過癮。多士烘到幾脆，加埋牛油好正。炒蛋都好出色。
青醬帶子扁意粉，比平時既青醬多左奶香味。有好濃既奶味，入口好滑。意粉份量意外地多，口感彈牙，唔錯。面頭有三隻帶子同埋芝士片，肉質鮮嫩，整體唔錯。
總括而言，依間cafe由裝修到食物都好有自家特色，服務都好好。今次黎既時候見到有唔少人聚會緊，環境夠靚都係一班朋友聚腳好去處，下次約埋班friend黎先。
張貼
