PHI Coffee & Pancake (卡佛大廈)

營業中

休息中

今日到中環開會，睇到哩間café出咗新menu，即刻試試。中環分店裝修都係原木風，色調溫馨又好fashion。餐單轉咗唔少新嘢，睇落都好好味，好難揀TIM。開心果咖啡，好靚嘅一杯咖啡。用開心果碎裝飾奶蓋，好似花環嘅。再落入開心果醬入咖啡，飲落咖啡微苦開心果味濃郁，奶蓋又增添泡沫口感，唔錯。玫瑰暖泡沫鮮奶，鮮奶奶味濃郁，泡沫豐盈。玫瑰味清香，又唔會搶曬奶香，味道層次好豐富。開心果帶子意粉，用開心果醬熬煮醬汁，再落入開心果碎豐富口感。醬汁整體鹹香為主，帶少少酸味。帶子微煎，食落半熟香甜肥美。意粉係硬身果款，每一啖都full曬醬汁，好味。蝦哈哈甘筍汁義大利飯，大蝦鋪成一排好得意，蝦肉鮮甜彈牙，加上芝士調味味道好獨特。義大利飯煮到粒粒分明，醬汁好creamy帶有清甜香味。甘筍醬汁入到飯裡，食落好惹味。春日香橙焦糖燉蛋梳乎厘，好有春天氣息嘅梳乎厘。梳乎厘蛋味香濃空氣感十足，香橙味嘅cream唔會好甜，食落清爽同梳乎厘好夾。最得意係橙皮裝嘅焦糖布丁，焦糖脆口布丁幼滑，食得好滿足。