影片
更多
2021-11-16
536 瀏覽
相信好多人同我一樣都好想去旅行✈️，而且特別掛住日本🇯🇵。正當秋高氣爽，Briketenia推出11月限定嘅岐阜富有柿主題下午茶，於是約埋朋友仔黎試下。柿平日就食得多啦，但係以號稱”柿中之王”嘅岐阜富有柿做主題設計嘅下午茶都係第一次試。秋天本來就係食柿嘅季節，見到個tea set嘅顏色同賣相又靓又吸引，心情都馬上變得興奮🥰。鹹點方面，我好鐘意個巴馬火腿配富有柿，佢將平時常用嘅蜜瓜換成富有柿，柔軟有咬口嘅柿肉同火腿搭配出新鮮感，咸甜滋味搭配相得益彰。另外，細細件嘅鵝肝醬mouse配富有柿果粒都好唔錯。甜點方面，我同朋友仔就特別喜歡用新鮮柿肉做，外層沾上椰絲嘅棒棒糖，口感豐富之餘又好可愛。另外，牛乳啫喱富有柿魚子晶球都充滿創意。整個tea set裡面除咗用富有柿做嘅餐點之外，仲有迷你牛肉漢堡，英式鬆餅同大家去日本都一定會食嘅雞蛋三文治。呢個主題下午茶嘅價錢唔算貴，$398/二人用，加多$35仲可以配埋特飲。特飲方面亦用咗新鮮柿肉搭配混合乳酪，橙汁同有氣礦泉水調製而成，味道好refreshing，好適合呢個舒服嘅秋天品嚐。
柿平日就食得多啦，但係以號稱”柿中之王”嘅岐阜富有柿做主題設計嘅下午茶都係第一次試。秋天本來就係食柿嘅季節，見到個tea set嘅顏色同賣相又靓又吸引，心情都馬上變得興奮🥰。
鹹點方面，我好鐘意個巴馬火腿配富有柿，佢將平時常用嘅蜜瓜換成富有柿，柔軟有咬口嘅柿肉同火腿搭配出新鮮感，咸甜滋味搭配相得益彰。另外，細細件嘅鵝肝醬mouse配富有柿果粒都好唔錯。
甜點方面，我同朋友仔就特別喜歡用新鮮柿肉做，外層沾上椰絲嘅棒棒糖，口感豐富之餘又好可愛。另外，牛乳啫喱富有柿魚子晶球都充滿創意。
整個tea set裡面除咗用富有柿做嘅餐點之外，仲有迷你牛肉漢堡，英式鬆餅同大家去日本都一定會食嘅雞蛋三文治。
呢個主題下午茶嘅價錢唔算貴，$398/二人用，加多$35仲可以配埋特飲。特飲方面亦用咗新鮮柿肉搭配混合乳酪，橙汁同有氣礦泉水調製而成，味道好refreshing，好適合呢個舒服嘅秋天品嚐。
岐阜富有柿主題下午茶
21 瀏覽
0 讚好
0 留言
張貼
