巷仔內

營業中

休息中

看IG知道觀塘開了間台灣菜，廣告入面有隻原隻炸雞，撕開隻雞脾時汁水直流，於是的起心肝去試試。星期六下午1點到，自助掃碼點餐。但係個餐單搵極都無原隻炸雞。於是問下個侍應妹妹。點知佢居然話今日賣曬！1點鐘，當時舖頭又無坐滿，我見無一檯有炸雞，你話賣曬？不如你老實d話隻炸雞係噱頭嘢，你地唔賣就算啦。卒之點左份台南蝦卷同炸豬排滷肉飯。台南蝦卷算正宗，應該係台灣入口，但係就孤寒d，30幾蚊得兩條對半切開。到個炸豬排滷肉飯就犀利咯，說真個滷肉無問題嘅，仲算幾好食添。但係塊豬排真係我好耐都未食過咁硬嘅豬排，好肯定係超市買返黎，都未醃好就攞去炸，塊肉又柴又乾，連黐骨未都可以乾硬嘅，絕對係考食客牙力！我就食左兩件就棄械投降喇