巷仔內

巷仔內向來都是一間我很喜歡的台灣菜小店，店內是簡約原木風格，用餐環境很舒適～巷仔內由台灣人主理，主打以實惠價格呈現台灣風味，因此食物方面也是很有水準，正宗台式味道！⧐ What we ordered ⧏手撕巨無霸炸全雞 HK$198巷仔巨無霸排骨便當 HK$75塔香鹽酥雞 HK$45佛手柑梳打 HK$25🍗手撕巨無霸炸全雞這份巨無霸炸全雞，會不會太巨型ᵎ ᵎ ᵎ即點即炸，店員端來時還冒著煙～外皮很香脆，裡面的雞肉很嫩滑，好吃到都吃光，很滿足的一份炸全雞🍱巷仔巨無霸排骨便當這個便當真的有比我想像中要多！炸豬扒是很大的一塊，底下還有半隻溏心蛋如果溏心蛋能醃得再入味一點就更好～還有就是…點了少飯也是很多飯啦！🐤塔香鹽酥雞鹽酥雞是每次吃台灣菜都會點的小食，雞粒都是一口大小，吃的時候好方便特別喜歡吃葉子，香香脆脆的～🍊佛手柑梳打佛手柑好像平日比較少見，是很清爽的口味ᵎ ᵎ ᵎ很喜歡橘子類的東西，很香很醒神在夏日悶熱的天氣喝一杯好消暑！除了可以點餐飲外，在下午4-9點有自助飲品吧，提供免費任飲冬瓜茶和綠茶，可以實現冬瓜茶自由啦！…查看更多

之前俾正宗台灣人主理既台灣菜【巷仔內】既炸全雞洗版，所以最近就同朋友去左試下。位置相當方便、觀塘地鐵站步行一分鐘就到。最重要係價格實惠、地方寬敞舒服。Lunch 同tea time叫主食送一杯飲料、4點後免費任飲冬瓜茶同綠茶！蒜味香腸：每次必點台灣小食、炭烤香氣超濃郁，蒜味爆香，咬落去油脂滲出，配埋生蒜片一齊食，鹹香惹味。巨無霸排骨魯肉飯：排骨大塊到誇張！炸到金黃酥脆，肉質鬆化唔油膩。魯肉飯肥瘦均勻，醬汁滷得入味，撈飯食真係停唔到口。塔香鹽酥雞：外皮炸到超脆，九層塔香氣撲鼻，雞肉嫩滑多汁，椒鹽調味啱啱好。滷味三選麵：可以自選麵食同配料，我就選擇左關廟陽春麵、甜不辣、百頁豆腐同花枝丸。關廟麵彈牙有咬口，滷汁香甜唔死鹹。甜不辣Q彈、百頁豆腐吸晒滷汁精華，花枝丸鮮味十足！手撕巨無霸炸全雞：即叫即炸，上枱熱辣辣！外皮脆到「咔嚓」聲，雞肉鮮嫩爆汁，連雞胸都完全唔柴，撕開仲有肉汁流出黎～本身就用左椒鹽調味，風味更上一層樓！炸全雞有生日配套服務、可以同餐廳預定安排（需要五天前預約）。仲有大胃王挑戰【金雞下蛋】、包括全雞+4隻半蛋+切片豬排，有興趣同有實力既朋友可以去試下。…查看更多

呢日去咗觀塘食生日飯！呢間餐廳喺觀塘工業中心入面，地鐵站行過去方便～餐廳都幾大間，座位都幾多，白色木系裝修，環境幾舒適😊近門口有個位置，放咗綠茶、冬瓜茶、冰水，下午4-9點，買任何主食都可以無限添飲，特別個冬瓜茶幾好飲🤭叫咗呢幾樣，手撕巨無霸炸全雞 $198上檯嘅時候插咗生日蠟燭，仲有福如東海、壽比南山嘅牌😂 再加大大個壽字，都幾震撼😍隻雞熱辣辣，炸到金黃色，勁多肉汁，嫩滑，連雞胸都唔鞋👍搣嘅時候睇住焫親手😂😂紅燒牛肉湯飯 $78牛肉夠腍，跟咗個飯有大量粟米，仲有半隻溏心蛋～快樂地瓜球 $38勁Q彈，有少少煙煙韌韌咁，呢個好食！！小朋友食唔停口滷味拼盤 $48呢個滷水拼盤嘅開心，有豬耳，白蘿蔔，雞中翼，牛筋，全部都係我鍾意食嘅嘢，夠晒入味，個蘿蔔仲好腍！蒜味香腸 $35好耐無食台灣香腸，面頭有啲生蒜同胡椒粉～另外仲叫咗兩杯嘢飲～百香果蘇打 $23 加椰果 +$5蜂蜜柚子梳打 $25 加愛玉 $5兩杯都唔會過甜，味道剛好👍正宗台灣人主理，價錢實惠，喺觀塘都食到正宗台灣風味！推介推介🙌…查看更多

巷仔內真係隱藏嘅美食寶地！呢間餐廳裝修帶有復古懷舊風，氛圍好舒服，夠chill。食物方面，佢哋嘅招牌菜色好有心思，好似手工燒鴨香脆又帶汁，醬料配搭得剛剛好。炒飯粒粒分明，味道濃郁，不會太油膩，令我印象深刻。配菜新鮮，每款都做到恰到好處。不論是朋友聚會定係情侶約會，都好適合。服務態度親切，用餐過程輕鬆愉快，感覺賓至如歸。價錢合理，性價比高，嚟呢度食飯絕對唔會失望。整體嚟講，巷仔內係一間值得反覆回訪嘅地道小餐館，帶比你質素同溫馨感！…查看更多

今日又黎到觀塘工業中心搵食，可惜既係本身想食果間原來星期日休息， 醒起之前有間台灣野想試， 造就左黎到- -巷仔內可能星期日關係， 人不多。 入到去任坐。 用餐環境唔錯。不過一開門感受唔到咩服務， D員工都係坐埋一枱 望下你咁。之後搵左張枱坐低， 自助落單，價錢中上啦。 今次試個下午茶，魯肉乾拌麵 (飲冬瓜茶) $39 + 一個炸物拼盤 $48本身都好期待個乾拌麵，諗住會好濃郁， 食物黎到賣相正常。拌完， 食…. 如果剩係食麵淡而無味， 一定要連埋D魯肉食先有D味好彩叫左個炸物拼盤，叫做有D餸， 唔係就咁食麵真係唔掂， 食曬碗麵， 見到勁多水係底。 難怪拌完都冇味。 敗筆 ! !炸物拼盤黎到，賣相有D驚喜，用個細蒸籠裝起曬， 裡面分別有( 鹽酥雞, 杏鮑菇, 台灣腸, 地瓜球)地瓜球, 台灣腸正常野。鹽酥雞最好食杏鮑菇 太大塊，本身又冇味，要靠炸衣上既胡椒鹽粉先有味。 相較下， 我去觀廣豪XX 買一包食好過。 切一粒粒， 炸得好食好多。我諗哩間餐廳我試一次就夠了。…查看更多