一遊

營業中

休息中

之前一直都係去尖沙咀分店，今日剛好在灣仔收工，就想起呢到都有一間分店，所以就即刻拉埋朋友來。呢間分店地方好方便，就係合和中心三樓，呢到地方都幾大，而且裝修都好有日式居酒屋feel，店員都好有禮貌，整體感覺我覺得好正。食物當然都係高質架啦！首先第一樣叫咗嘅就係神龍純米大吟釀，呢隻我之前都飲過，好清純，好易入口，加上有少少甜味，真係好好飲。嘢食方面覺得好出色嘅就係個海膽，入面有埋芝士，口感超級creamy，外面好似天婦羅咁樣好酥脆，一啖食落去個口感好特別，好有層次感。另外當然唔少得叫壽司同魚生啦，呢度啲赤蝦又大又鮮甜，帶子亦都好出色，又大又爽口。另外串燒方面我就覺得個燒雞翼好正，幫你拆晒做單邊骨，燒得外脆，入面保持到Juicy，正。後來朋友話試吓個炸豆腐，其實都幾好味，炸咗嘅豆腐溝埋豉油同蔥，我覺得如果改用醋嘅醬汁我應該會更加鍾意，不過整體嚟講都幾出色。至於澱粉質就揀咗要一個泡菜牛肉石鍋飯，撈埋一齊食熱辣辣好鬼正，仲要整到可以有啲飯焦添！最後都叫咗一碗藍莓茶暖吓胃先走，見到佢唔係用茶包，真係用藍莓乾，一路飲一路傾偈，正！