影片
更多
2012-01-22
658 瀏覽
以前成日都聽人講陸羽啲野好好食，但一直都揾唔到有朋友有興趣去試吓。今次男友爸爸生日，揾地方同佢慶祝，啱啱見到有食家攪咗個飯局，齊齊都話正，所以決定同男友一家嚟呢度試吓。一早訂咗枱，原來訂唔同層數有唔同電話號碼，不過我地嗰日有公司團年飯，所以只可以訂地下。可能一早訂咗枱既關係，居然俾咗個大堂中間位我地，感覺好似係啲古代大宅我地一行得五人，所以只係叫咗三餸一湯。湯就唔駛講，一定係佢地出名既杏汁白肺湯($140)。一上枱，我地已經聞到好香杏仁味，啲豬肺白雪雪，好滑，一啲腥味都無。其他材料亦很豐富，有菜乾，紅棗等等。百多元一窩真係抵。本來我想叫燉的，但燉既一窩份量差不多係十二人份量，所以放棄咗。至於餸方面，其實一早有心水，就係佢地招牌菜脆皮糯米鷄及咕嚕肉脆皮糯米鷄 ($500)，要早兩晚預訂。這道菜功夫多，要成隻鷄起皮，再將雞肉炒糯米，然後將糯米飯釀番入去鷄皮，最後拿去炸。鷄皮脆，糯米飯香，好正。但我地五個人食都食剩四份一，要打包。咕嚕肉 ($110) 係我至愛既小菜之一，好多地方有得食，但好少地方整得好食。呢度既咕嚕肉唔錯，但未係最好。雖然外脆內軟，但汁少咗啲，而且上枱時唔夠熱。由於無菜，所
一早訂咗枱，原來訂唔同層數有唔同電話號碼，不過我地嗰日有公司團年飯，所以只可以訂地下。
可能一早訂咗枱既關係，居然俾咗個大堂中間位我地，感覺好似係啲古代大宅
我地一行得五人，所以只係叫咗三餸一湯。
湯就唔駛講，一定係佢地出名既杏汁白肺湯($140)。
一上枱，我地已經聞到好香杏仁味，啲豬肺白雪雪，好滑，一啲腥味都無。其他材料亦很豐富，有菜乾，紅棗等等。百多元一窩真係抵。本來我想叫燉的，但燉既一窩份量差不多係十二人份量，所以放棄咗。至於餸方面，其實一早有心水，就係佢地招牌菜脆皮糯米鷄及咕嚕肉
脆皮糯米鷄 ($500)，
要早兩晚預訂。這道菜功夫多，要成隻鷄起皮，再將雞肉炒糯米，然後將糯米飯釀番入去鷄皮，最後拿去炸。
鷄皮脆，糯米飯香，好正。但我地五個人食都食剩四份一，要打包。咕嚕肉 ($110) 係我至愛既小菜之一，好多地方有得食，但好少地方整得好食。呢度既咕嚕肉唔錯，但未係最好。雖然外脆內軟，但汁少咗啲，而且上枱時唔夠熱。
由於無菜，所以另外再叫咗個碧綠生魚卷($180)。以前食生魚都係煲湯既，原來起魚片炒都好好味，生魚卷入有一條金華火腿，味道好夾。另外順帶一提，啲伙記態度好好。但就唔駛問佢地夠唔夠食喇，因為佢地成日都係答好難講架喎，睇吓你地胃口大唔大啦，有啲人兩個都可以食哂成隻糯米雞架。
張貼
